مساء الفل والورد والياسمسن على احلى بنات وستات قاعدين على فتكات
انا اول مرة اكتب فى القسم دا لكن عملتها وكتبت هنا لان انا اتمنى ارد ليكو جزء صغيـــــــــــر من جمايلكو عليا لانكم بتفيدونى فى كل حاااجة بجد ربنا يجازيكم خيــر
انا هتكلم النهاردة عن العدسات الطبية اللاصقة وخلاصة تجربتى معاها وخبرتى المتواضعة فى التعامل معاها والاعنتاء بيها
اولا العدسات الطبيه اللاصقةoptical lenses
هى بديل للنظارة الطبيه يتوضح ليكي الرؤية وتخليكى تشوفى كويس جدا من غير ما تكونى لابسه النظارة ودى بتتعمل مخصوص على مقاس نظرك وغالبا بيكون مقاسها نفس مقاس نظارتك الطبيه
شكلها : هى يتكون عدسة رقيقة جدا رخوة وفى منها الالوان وفى منها الشفافة ( وشخصيا انا بفضل الشفافة لانها ولا بتبان ومستحيل حد يعرف انك نظرك ضعيف ولا لابسه لينسز )
ودى صورته https://files2.fatakat.com/2016/8/13438457801718.gif
اولا انتى لو عايزة عدسات زى دى يا ستى بتعملى اييه ؟؟
انا اقولك :
بتروحى لدكتور عيون شاطر وموثوق فيه وبتقيسي نظرك عادى وتاخدى منه المقاس ممكن تقولي له انا عايزة عدسات نظر على المقاس دة
او تاخدى العدسات وتروحى بيها على اى مكان مختص زى مستشفيات العيون او مغربى او محلات البصريات
هيعملولك عدسة على المقاس دة سعرها ف حدود 100 ولاااااااااااازم يا ست الكل تجربيها عندهم علشان لو طلع فيه لخبطة فى المقاس ولا حاجة
ثانيا بقى : طريقة لبسها
اولا تشيلى من دماغك فكرة انها صعبة والنظارة اسها منها لآن بجد والله وعن تجربة هى مش صعبة خالص وانا لابسة ببقى مش حاسة اصلا انى لابسة لينسز و محدش ممكن يكتشف انى نظرى ضعيف واحسن من النظارة لنها بتدايقنى جدا بحس انى شايلة حمل فى وشي وغير كدا بقى كلو يقول ام نظترة والناس تميزك بالنظارة حاجة تزهق بصراحة
طريقة لبسها
بصى يا ستى انتى لازم يا عسل تكونى غاسلة ايدك كويس بصابونة ديتول او اى حاجة مطهرة بلاش الصابون اللى بريحة دة وتنشفى ايدك كويس وتسمى الله تحصى العدسة على طرف صباعك السبابة اليمين ونصيحة بقى من عندى لعيونكم حطى نقطة محلول عليها وهى على صباعك علشان تبقى سهله وانتى بتلبسيها وانتى باصة فى المرايه تفتحى جفنك لفوق وتبصى على حاجة معينى يعنى خلى عنيكي مش تتحرك علشان تعرفى تثبتى اللينسز عليها وتحطى اللينسز
على نن عينيكى بس يا ستىى مفيش اسهل من كدة وطبيعى كل حاجة فى اولها بتيقى صعبه انا انصح اللى الموضوع صعب عليهم انهم يشترو لينسز ملونة عادية مش نظر من ام 15 جنيه دى يتعودو عليها فى اللبس قبل ما يستخدمو العدسات دى علشان لا قد الله ما تتقطعش ولا يحصلها حاجة
ثالثا : طريقة العناية بيها وتنظيفها
بصى يا قمر العدسات دى مدتها حوالى 9 شهور يعنى هتقعد معاكى 9 شهور لا زم تعرفى تعتنى بيها وتنضفيها علشان ميحصلهاش حاجة ولا تعمل مشاكل لعينك لا قدر الله
اولا هتجيبى معاها من عند الدكتور او من اى صيدليه محلول
وافضل نوع محلول هو رينو وانا مش بستعمل غيرة ولما اغير النوع دا عينى بيجيلها حساسية من الانواع التانية والنوع دة ايطالى
وبيجى مع المحلول علبة صغيرة كدا بتحطى فيها العدسات بعد ما تخلعيها ( لما تيجى تخلغيها تسحبيها بصباعك نحيت برة بس كدا وتلقطيها بالسبابه والابهام )
بتحطى اللينسز فى ايدك وتحطى عليها 3 نقط محلول وتدعكيها على خفيييييف اووووى بصباعك علشان لو عليها او تراب ولا حاجة وبعدين تحطيها فى العلبة بتاعتها والعلبه فيها مكان لعينيت واحدة مكتوب عليها رايت وواحدة ليفت وحاولوا متتلخبطوش بين العدستين اليمين فى اليمين والشمال فى الشمال
وبعد ما تحطي كل واحدة فى النحية بتاعتها تحطى عليها كمية محلول كافية وتقفلى العلبه وتكررى الموضوع دا كل مرة تلبسيها او تخلعيها
على فكرة الموضوع كله سهل مش بياخد اكتر من دقيقة والله
رابعا : ما تستصعبيش الموضوع وتقولى ما انا بالنظارة تمام اهو لا كل حاجة لو عرفتى خطواتها صح لا يمكن ابدا نفشلى فى التعامل معاها وعلى فكرة انا عندى 16 سنه يعنى لسه ضغيرة بالرغم من كدا انا عرفت اتعانل مع اللينسيز وبقالى حوالى سنه بستخدمها من غير اى مشكله اهم حاجة انك يبقى عندك ثقة فى نفسك وانك تعرفى انك تقدرى تعملى اى حاجة
خامسا بقى والاهم : انا عاملة الموضوع دة خالص لوجة الله وبنيه انى افيدكم زى ما بتفيدونى فالردود والتقييم جاحة على حسب رؤيه كل واحدة للموضوع واهميته واللى يعجبها الموضوع مش طالبه منها بس غير انها تدعيلى دعوة حلوة تفرحنى
ياااااااااااارب اكون فدتكم واى استفسار انا تحت امركم
بحبكم فى الله
emmy1 emmy1 219949_5.gif فتكات رائعة Fatakat 219949 TanTa – EgypT