هاى عليكم
ربنا يقومكم كلكم بالف سلامه ويطمنكم على اولادكم
انا الحمد الله ولدت وجبت مايا
واليكى التالى
انا روحت للدكتور وكشفت نسا بالنسبه لكشف النسا للان كتير مش عارفينه وانا كنت كده هوه انهم بيحاولوا يعرفوا الرحم اتفتح عندك ولا لاه يعنى فيه امكانيه انك تولدى طبيعى ولا لاه اهم حاجه فيه انك ترخى اعصابك ومتشديش نفسك عشان مش تتوجعى وخصوصا انى جبااااااااااااااااااااااااانه فدى نصيحتى بجد واعملى حسابك تعملى سويت اول التاسع للان الكشف فجـأه فلازم تكونى نضيفه خلاص
بعدين حددلى الدكتور الولاده تانى يوم بس حجزت كيسين دم عشان انا عندى انيميه حاده بيقوكى بعد الولاده
تكونى طبعا حضرتى شنطيتك فيها فوطه ليكى وشورت فيزون كبير عشان يبقة فوق الجرح ومش ييجى عليه وتلبسى عبايه وانتى داخله وببش طبعا ومناديل وبطانيه وكوفرته وملايه للانك هتخرجى من البنج سقعانه
جدا ولما البنج بروح الكوفرته موجوده
ده غير لبس النونو فنله وبامبرز وجلابيه عشان السره ولفه تمسك وسطه وبطانيه
نيجى للعمليه
الاول دخلت غرفه عاديه وحطولى محلول جلوكوز مرتين وشويه ودخلونى اوضه العمليات بس بعد خوف وعياط وانهيار لانها اول ولاده ليه وكنت بسلم على اهلى كأنها اخر مره واديت دبلى لجوزى ودخلت فلعونى طبعا الببش عشان الاوضه معقمه وطلعت على الشيزلونج وحطولى البنج فى الكانه وخلى بالك خفى من الشاى والقهوه والمنبهات للانها اثرت عليه خلت البنج يروح اسرع ودقيقتين وسمعت صوت مايا وطلعوها وبدأوا يقفلوا الجرح
وخرجت بعدها بربع ساعه وراحوا مركبنلى محاليل وحطولى الدم ومسكن جوه الكانه طبعا وده على طول
وفضلت كده لحد الساعه 12 على الرغم من ان ولادتى كانت خلصت 11
ونص
اوحش حاجه بصراحه حصلت ساعه التنضيف الدكتور بيعدى عليكى وبيعصرلك بطنك يعنى بيضغط عليها بأيده جامد عشان ينزل الدم الى فاضل وبينزل الدم طبعا وبيشيلك الاستره من تحت هوه كان حاطتها وانتى متبنجه عشان لو حبيتى تعملى حمام مش هتحسى بس وبينضفلك من تحت الدم برده وبعدين بيحطلك قطن وشاش على الجرح وقطن من تحت عشان الدم
وتتمنعى من الاكل اول يوم عصاير بس وتانى يوم زبادى و3 يوم افترى فى الاكل وبيكتبلك ادويه ومسكنات وبس
هتحسى بالاعراض دة عشان متخافيش ضهرك بيوجعك ووسطك ورجلك ده يعد العمليه وجع ضهرك هيفضل فتره
البنج ممكن يخرج على شكل ترجيع اصفر بعد الولاده
خلى بالك لازم حد يعصرلك صدرك عشان تتطمنى ومتتعبيش
ممكن متلاقيش لبن لحد 3 يوم ده حصلى وخفيف كمان ولازم النونو يروح لدكتور اطفال عشان تطمنى
اى خدماااااااااااااااااااااااااااااااااااااات
2mera 2mera images/avatars/wrong.gif فتكات هايلة Fatakat 134508 ارض الله – مصر
سبحان الله و بحمده