السلام عليكم ورحمة الله
بعد اذنكم يااهل الخبرة انا لسة راجعة من عند الدكتورة ومنهارة من العياط ياريت تفيدوني وتطمننوني حد كان زيي وولد طبيعي ولا لأ
انا اولا في الشهر التاسع وميعاد ولادتي علي كلام الدكتورة والسونار علي يوم 3/17 والدكتورة عملتلي سونار انهاردة وقالتلي السونار مطلعلي انك في الاسبوع ال41 من الحمل يعني السونار بيقول معادك عدي وقاستلي حاجة تانية بس مش عارفةاية قالتلي السونار مش معترف انك لسة حامل وانك مفروض ولديتي علي الحسابات دي فانا مش عارفة الكلام دة صح ولا اية انا مش مقتنعة خالص بالكلام دة ياريت لو تدوني رأيكم
ثانياً بقي ودة الاهم كشفت عليا نسا وقالتلي ان حجم الحوض معقول بس البيبي لافف نفسة وكل حاجة ووضعه مستعد للنزول بس لسة راسة منزلتش الحوض وانها صعب تنزل خلاص وان الرحم عندي مقفول تماما ودة غلط مفروض يبقي مفتوح 2سم عالاقل قبل نص التاسع وكل اللي حواليا بيقولولي الرحم مفروض يفتح ساعة الطلق ومش عارفة اصدق مين وعايزة تولدني قيصري وانا طبعا خايفة جدا من القيصري وخصوصا ان الحمد للله معنديش المشاكل اللي بتيجي في الاخر لمعظم الحوامل فياريت بخبراتكم تفيدوني وجزاكم اللله خيرا
ثالثاً واخيراً اللي تعرف دكتورة كويسة وشاطرة في الشيخ زايد او 6اكتوبر ياريت تقولي عليها وياحبذا لوتقولي ولدت عندها اية قيصري ولا طبيعي
وجزاكم الله كل خير معلش انا اسفة طولت عليكم بس ماليش غيركم اخوات في الله اثق فيهم اسألهم
سلفية و افتخر سلفية و افتخر فتكات متميزة Fatakat 556542 القاهرة – مصر
سبحان الله و بحمده