السلام عليكم ورحمه الله وبركاته
ازيكم يافتوكات ياللى مصبرنى على حاجات كتير اه والله فعلا مصبرنى لانى ليل نهار نهار ليل على فتكات بعشقها دى كلمه قليله وبصراحه اتعلمت منكم حاجات كتيييييييييييير جدا واستفدت منكم فى حاجات كتير
معلش رغيت كتير بس فعلا لانى بحب كل فتوكه هنا جداااااااا انا كان ليا اصلا قبل مااتجوز اسم تانى غير ده بدخل بيه على فتكات بس غيرته بعد الجواز زى حاجات كتير اتغيرت
معلش هدخل اهو فى الموضوع انا متجوزة بقالى سنه ونص تقريبا ولحد النهارده محصلش حمل خالص الحمد لله طبعا على كل حال
بس بصراحه هتجنن وهموت واجيب بيبى يملى عليا حياتى كشفت كتير والحمد لله مافيش اى موانع لا منى ولا منى جوزى الحمد لله
بس كل دكتور كنت اروحله كان فى الاخر يقرر انى اعمل اشعه صبغه بس الخوف بقى لانى جبانه قوى قوى واخر دكتور بقيت متابعه معاه ليا 4شهور كده تابع معايا وفى الاخر قرر بردو اننا نتوكل على الله ونعمل اشعه الصبغه
وانا للاسف بعد ضغط من جوزى قررت انى اتوكل على ربنا واعملها
بس مااكدبش عليكم خايفه جداا جدااااا جداااااا ومش عارفه ليه خايه وكتير نصحونى وقالولى بلاش وليها اضرار واللى يقولى متعبه جدا وانتى مش بتستحملى لحد مافعلا بقت خايفه خالص منها
بس انا قلت لازم اسالكم واستفسر منكم لانكم حبايبى وعارفه انكم بتفيدوا بعض ومن الاخر كده بطمن ليكم قوى
طمنونى بقى وقولولى كل حاجه عنها وكل واحده ليها تجربه شخصيه ياريت تفيدنى
وجزاكم الله كل خير وربنا يخليكم ليا
جوزى هو دنيتى جوزى هو دنيتى 875772_4.gif فتكات متميزة Fatakat 875772 بنى سويف – مصر