السلام عليكم ورحمة الله
صباح الخير عليكم يا احلى فتكات
انا قررت اكتب الموضوع دا عشان كلنا نستفيد من تجارب بعض ومعلومات بعض ويبقي موضوع دائم متجدد بكل معلومة جديدة وحدة منا تعرفها، انا اتجوزت من 4 شهور طبعا كان في مليون سؤال في دماغي ومليون معلومة معرفش عنها حاجة بخصوص الحياة الزوجية ومازلت بتعلم سواء كان بالقراءة او بالسؤال او حتي من خبراتكم الجميلة اللى موجودة هنا ومازال عندي كثير من الاسئلة عشان كدا خطر في بالى اعمل الموضوع دا كل واحدة تكتب سؤالها وكلنا نحاول نساعدها ونرد على اسألتها سواء بمعلومات سابقة كانت عندنا او حتي بأننا نساعد اختنا في الله وندور على النت على اجابة لسؤالها بس طبعا منحاولش نفتي عشان منتسببش في ضرر لحد ولو حسينا ان الموضوع محتاج تدخل طبي يبقي هيا دي نصيحتنا اللى حنديها لاختنا … وهيا دي فكرتي وانا لفب حبدأ عندي كام سؤال مش عارفلهم اجابة
1- كلنا طبعا بنهتم برشقتنا ووزننا خصوصا اللى عاني زي ونجح انو يوصل للوزن المثالى قبل الجواز وعاوز يحافظ عليه بعد الجواز لكن دا ميلغيش طبعا اشتياقي الشديد لانى ابقي ام فسؤالى بقي هل ممارسة رياضة المشي مثلا لمدة 30 دقيقة خلال ايام التبويض او بعدها ممكن تسبب تأخر الحمل؟؟ وهل صح انى اعمل رياضة في الاسام دي ولا لازم استني موعد الدورة وايه مدي خطورة ممارسة الرياضة هل ممكن تؤدي ان الحمل ميحصلش اصلا مثلا؟؟
2- طبعا لان حضرتي بتحافظ على وزنها بقالى اكتر من 5 سنين بستخدم السكر الدايت وسمعت معلومة صابتني بأكتأب امبارح ان المادة اللى في السكر الدايت ممكن يؤدي الى تأخر الحمل هل حد عندو اى معلومة بخصوص دا؟؟
دول السؤالين اللى في دماغى دلوقتي ولو في حاجة تاني اكيد حقولكم
يلا بستنا ردودكم واسألتكم وعلى فكرة لو عاوزين تسألو في حاجات تانية انا تحت امركم، وربنا يرزقنا كلنا الخلف الصالح والسعادة والرضا
خالص حبي لكم ..
تناهيد بنوتة مصرية تناهيد بنوتة مصرية 30772_1.gif فتكات متميزة Fatakat 30772 بين نبض قلب حبيبي – قطر