السلام عليكم ورحمة الله وبركاته
مفيش واحده فينا فى القسم ده ما تعبتش واتبهدلت واتشكشكت بالإبر وكتير مننا عملوا عمليات واتعذبوا كتير واللي مات جنينها فى بطنها واجهضت واللي ولدته ومات بعد الولاده واللي مستحمله سخافات وتريقه من عقليات متخلفه فاكره قيمه الواحده فى الدنيا انها تجيب عيال وبس او انها هى اللي فى ايديها موضوع الخلفه ده ميعرفوش ان كل روح وكل نبض بيبقي بأمر من ربنا مهما عملنا كتير منا استحملت وكتير اوى فقدوا اعصابهم وخلاص شافوا ان الدنيا انتهت لحد كده … والله العظيم الابتلاء ده نعمه من عند ربنا تخيلي بكل وجع وبكل شكه حسنه تخيلي ذنوب اد ايه بتتمحى من صحيفتنا بعد كل عمليه .. تخيلي فرحتك اد ايه لما تلاقي ابنك او بنتك اللي مفرحتيش بيهم فى الدنيا هتلاقيهم بنولك قصر فى الجنه ومستنيينك هناك .. تخيلي ان اى حد ضايقك بكلمه او اى حد جرحك ربنا هييجى فى يوم وياخدلك حقك منه فى الدنيا او فى الآخره … احنا كلنا اكيد هنتجنن عشان الحمل وكل واحده شايفه انها مفيش اصعب من حالتها عاوزه اعرفكوا حاجه فى ستات مبتجيلهاش الدوره اصلا وبيتمنوا انها تنزل ولو نقطه .. فى ستات شايلين الرحم اصلا وربنا لسه مكرمهاش بأطفال ..دى تعمل ايه طيب ؟ … ربنا مدينا امل كل شهر ودى فى حد ذاتها نعمه كبيره .. وكمان النعمه الأكبر ان ربنا مدينا الداء ومدينا الدواء والتعب الصحى والنفسي اللي احنا فيه خلوه لوجه الله عشان ربنا يغفرلنا بكل شكه ابره وبكل ألم اتألمناه ..انا عندى بنت ربنا يخليهالي وماتلي ولد واكيد نفسي فى بيبي تانى وهتجنن عليه بس برضه بحمد ربنا فى غيرى ربنا لسه مرزقهمش .. بإختصار كل فتوكه هنا فى قسم امهات المستقبل تبص للنعم اللي هى فيها وتحمد ربنا واحتسبي كل تعب وألم وفلوس بتتصرف وتعب نفسي وصحى لله عز وجل وبجد مش هتندمى .. ويارب يرزق كل مشتاقه بحق كلمه لا إله إلا الله وبحق الرسول الكريم وبحق الشهور الكريمه اللي احنا فيها وربنا اكيد رحيم بعباده ومبيضيعش تعب حد .. لو مش فى الدنيا هنلاقيه فى الآخره
التقييم يابنات عشان كل أمهات المستقبل يستفادوا لو الموضوع عجبكوا والله صوابعي وجعتنى من الكتابه والكلام ده من قلبي والله ويارب ييعيننى علي تنفيذه معاكوا
nona 7iaty nona 7iaty 854485_7.gif فتكات رائعة Fatakat 854485 السعوديه – السعودية
سبحان الله و بحمده