طبعا يابنات كل واحد بيبقى عندو كلام كتيير جواه .. و عنده مواقف بتحرجه بسبب الوزن الزائد …. و كل ما بكتم المشاعر دي اكتر كل ما نفسيتو بتبقى اصعب و ساعتها بيلجأ للصديق المتواجد دائما و هو الاكل … و يتخن اكتر و اكتر و يرجع تاني يتعرض لمواقف و نفضل كده اكننا بنلف في دايره مش بنطلع منها
طيب ساعات كتييير بنتشجع و نعمل دايت و نكثف و نتعب و نخس و فجاه كل ده يوقف و نرجع تاني كل اللي عملناه يروح في الهوا
المشكله مش قي زيادة الوزن و بس … المشكله ان ده اخطر مرض و كلنا مش بنتعامل معاه على انه مرض يعني الواحد لما بيجيلو شوية برد جامدين بيجري على الدكتور و اللي عندو ضغط و لا سكر بيروح لدكتور بس التخن مش دايما بنروح و مش دايما بنهتم اننا نعالجه مع ان ده اللي بيجيب السكر و الضغط و الم الفقرات و خشونه و مشاكل تنفس … ده غير المشاكل الشكليه مش عايرفين نلبس حلو زي ما بنتمنى …. مش عارفين نعيش حياتنا براحه … مكسوفه في البيت من جوزك … مشاكل نفسيه : لو جوزك علق بكلمة .. لو شفتي حد جسمه حلو جدا .. لو سمعتي حد بيعلق على شكلك
تخيلو المرض اللعين ده بيدمر كل حاجه
طيب الحل ايـــــــــــــــــــــــــــــــــــــه؟
دايت و رياضه و تغير شامل للحياه …. يااااع على الكلام الجميل ده … هو بالساهل اوي كده
ما هو لو سهل كان كل الناس بقت رفيعه … الموضوع مش دايت و بس و لا رياضه و بس … الموضوع نفسيه سليمة اعتراف ان الشخص مريض قدام نفسه ….
صحبه كويسه بيعانو من نفس المرض يشجعو بعض …
عشان مطولش عليكم … انا فكرت اعمل الموضوع ده عشان يكون عياده لكل حاجه بنفكر فيها اكننا رحنا لاي دكتور نفسي و طلعنا كل اللي جوانا … كل ما تحتاجي تتكلمي او تشكي او تفرحي او تعيطي او تحكي موقف هيبقى هو ده مكانك كلنا مع بعض نعالج بعض
sarah_rifaat sarah_rifaat 251927_1.gif فتكات رائعة Fatakat 251927 Khobar – Saudi arabia