السلام عليكم و رحمة الله و بركاته
أزيكوا يا فتوكات ايه الاخبار
طبعااا أنا عملت دايت كتييير أوى و كل شويه أقف بسبب ظروف كتيير أوى
أول مره عشان عملت عمليه
تانى مره أن بابا كان تعبان كانسر فى الكبد و نفسيتى كانت وحشه أوى
و تالت مره أن بابا أتوفى و طبعا فى كل دا وزنى بيزيد أكتر بعد ما كنت خسيت 10 كيلو رجعتهم أكتر مع أنى مكونتش باكل
بس علطول النسكافيه و الهوت شوكليت و الكايتشيتنو و البيبسى و الذى منه طبعا تخنت بغباوه تانى
بس الحلو اللى فى الحوار أنى لسه مصره على رائيى أنى لازم أخس و أوصل للوزن المثالى عشان نفسى مش عشان أى حاجه
المهم أنا بإذن الله هبدء من يوم السبت اللى هو أول يوم فى شهر 2 عشان عايزه 4 يشتركوا معايا ليهم فرصه لغاية الجمعه بليل يكتبوا أوزانهم و طولهم
مش معنى كده أنى مبدئتش لاء انا بدئت من إمبارح أقلل فى الأكل و أوقف الأكل بدرى عشان يوم السبت أبقى ماشيه على الدايت تمام و أبقى متعوده عشان محسش بالحرمان من حاجه فجأه
و هدفى بقى أن همشى على نظام الصيام العكسى و هو أفضل نظام مشيت عليه بيخسس كيلو فى اليوم بس طبعا كل جسم حسب طبيعته ممكن كيلو ممكن نص كيلو أ,و كده و هدفى أن لما شهر 2 يخلص أكون نقصت 10 كيلو
الصيام العكسى انك تاكلى اى حاجه من اول ما تصحى بس بكميات طبعا و توقفى اكل الساعه 5 او 6 بالكتيير
الأساسيات فى الدايت
1_شرب مالا يقل عن 2 لتر مايه فى اليوم
2_الرياضه ثم الرياضه ثم الرياضه ليها عامل كبيييييييير أوى و أسألونى لأنى مجربه
3_ من بعد الساعه 5 ل قبل النوم مشروبات سخنه (جنزبيل.قرفه.نعناع.يانسون.بردقوش)
4_ فى وصفه تحفه جربتها شهر مسحت نص بطنى تقريبا يعنى لو كنت كملت كان زمانى معنديش بطن
و هى المشروب الحارق اللى هو عباره عن نص معلقة جنزبيل و نص قرفه و نص كمون و نص ليمون و تغلى مايه و تصبيها عليهم و تتشرب قبل كل وجبه او بعدها بتلت ساعه الوصفه دى ملهاش حل
5-هنوزن كل أسبوعين يوم الخميس و الفرى داى هيبقى يوم الجمعه
6_ان لو أى بنتوته أشتركت معايا لازم تدخل تكتب التقرير بتاع يومها كل يوم بليل و لو التقرير متكتبش لمدة 3 أيام بتضطر أطلعها بره الجروب
لو فى أى بنوته مستعده تكمل معايا و تكون جاده أنا موافقه و ياريت يكون وزنها فوق التسعين عشان نتحمس و نقدر نكمل مع بعض لغاية ما نوصل للوزن المثالى
مستنياكوا
Cute Lolo Cute Lolo فتكات هايلة Fatakat 1012485 Ismailia – Egypt