السلام عليكم
ازيكم يا فتاتيك
حبيت انقل لكم حصريا طريقه الكفته بتاعتى
وطبعا عارفين تمن الوصفه
دعوه حلوه من القلب ربنا يفرحنى عاجلا ويرزقنى الزوج الصالح الحنين والشغل الصالح ويرحم امى ويشفى ابى
ندخل بقى على الوصفه والحمد لله كفتتى تجنن
المقادير
ا كيلو لحمه مفرومه
ا بصله مفرومه
5 فصوص توم مفرومين
رشه زعتر
بشره جوزه الطيب
رشه قرفه
رشه جنزبيل
معلقه كبيره ملح
نص معلقه فلفل اسود
3 فصوص حبهان وكمان 3 فصوص قرنفل مطحونين
نص كوب بقسماط
الطريقه
نفرم كل المكونات ما عدا اللحمه فى الكبه وبعدين نضيفهم على اللحمه ونخلطهم كويس وناخد نص الكميه ونعمها شويه فى الكبه بس مش قوى بس يتخلطوا كويس ثم النص التانى
وبعدين نجيب سيخ او عصايه الشيش او لو حبين تصبعوا باى طريقه ونصبع الكفته ونخليه طويله وتخينه علشان هتكش بعد كده
وندهن صينيه زيت او سمن ونكون مسخنين الفرن ونرص الكفته وندخلها الفرن على 180 لغايه ما الكفته تشرب ميتها وتتنشف شويه
ونكون محضرين فحمه مولعه ونحط عليها شويه زيت او سمن
وبالهنا والشفا
وادعولى وقيموا لو عجبكم
CODE][/code]1
مواضيع هذا القسم برعاية
امى اطيب ام امى اطيب ام فتكات رائعة Fatakat 597219 مصر – مصر