ازيكم يافتوكاتى ياعسلاتى
حبيت انهارده اصور واقول عن تجربتى الاولى لعمل كفته التونه بالبطاطس
الصراحه طلعت حلوه جدا وكمان مش مكلفه ومش بتاخد وقت خالص
وبعتذر عن ردائه الصور لانها من موبايل صينى اصلى بموت فيهم الصراحه ههههههه
اسيبكم مع الطريقه والصور
2 علبه تونه قطعه واحده
2 بيضه
3 حبات بطاطس وسط مسلوقه
البهارات (ملح وفلفل اسود وكمون)
وثوم مفروم
دقيق
بقسماط مطحون
وبصله متوسطه مفرومه ناعمه
هانصفى التونه من الزيت ونحطها فى طبق غويط
ونهرس البطاطس
ونحطهم على بعض
ونضيف عليهم البصله المفرومه والثوم المفروم ناعم والبهارات (وان امكن وعندك خضره ياريت هاتخليها جميله اكثر)
وبعدين صبعتها وحطيتها فى الدقيق
ودخلتها الثلاجه لمده ساعه ودى خطوه مهمه اوى لانها طلعت متماسكه جدا
وبعدين حطيتها فى البيض وبعده البقسماط
وقليتها فى زيت غزير
وده الشكل النهائى
وبالف هنا وشفا ع قلب احلى فتوكات
وماتنسوش التقيم لو عجبكم الموضوع مواضيع هذا القسم برعاية
♥snow queen♥ ♥snow queen♥ 422071_19.gif ممنوعة من المشاركة Fatakat 422071 الاسماعيليه – مصر