السلام عليكم ورحمة الله
عرايسنا الحلوين
زي ما طلبتوا مني
عملتكم الموضوع ده
اللي هقولكم فيه كل المستحضرات اللي العروسة بتحتاجها
وأكيد أكيد هتخرجي من الموضوع واحدة تانيه خالص
هعرفك افضل المنتجات
هتعرفي ازاي تهتمي بنفسك
هتعرفي منتجات جديدة مكنتيش تعرفيها
وبكده ثقافتك هتزيد وهتعرفي تشتري ايه ومتشتريش ايه
المنتجات موجوده بش للاسف محدش عارفها لانها كلها بالانجليزي واللي بيروحوا لاطباء جلديه مشهورين بس هما اللي بيكتبولهم المنتجات الكويسه
لكن انا هجيبلكم من الاخر وهعرفك كل الاسرار
طبعا الموضوع طويل و هنزله على مراحل
ونبدا بسم الله
نتكلم عن الوجه
طبعا كل عروسة ليها نوع بشرة مختلف عن الاخرى
وكل نوع بشرة ليها روتين يومي مختلف عن التانيه
لكن أهم شيء وقبل اي شيء الصن بلوك لازم لازم لو هتتعرضي للشمس تحطيه
لان الشمس بتسبب مش اسمرار لا مش ده المشكله الشمس بتسبب بقع ونمش وتجاعيد مبكرة
يوضع قبل التعرض للشمس بنص ساعه ويجدد كل ساعتين هقزلكم كل بشرة تختار ايه
طبعا عارفين انواع البشرة
اولاُ: البشرة الجافة
بشرة باهته اكثر عرضه لظهور التجاعبد المبكرة بتحسي بشد في البشرة
غالبا بتكون حساسة وتحتاج لعناية خاصه علشان تتجنبي مشاكلها مينفعش خالص تستخدمي اي منتجات
اختاري اي صن بلوك كريم او ميلك من ماركة كويسه يفضل الماركات الفرنسية ونجيبه من الصيدليات الكبرى لان في مضروب
ده النوع الشفاف
ده النوع اللي فيه لون كريم الاساس مش بتحتاجي بعده كريم اساس في درجتين منه
لو فاتحه اختاري light tint
لو غامقة اختاري tanned tint
السعر 110 جنيه لاي نوع من التلاته
اهتمي جدا باستعمال غسول لطيف جدا خال من الصابون علشان ميسببش جفاف والافضل استخدام منظف مش غسول ميلك او H2O
من افضل المنتجات للبشرة الجافة منتجات
BIODERMA SENSIBIO
اولا :لتنظيف البشرة وازالة الميك اب يستعمل بقطنة ولا يحتاج للماء
sensibio h2o
السعر 59 جنيه
او sensibio cleansing milk
السعر 92 جنيه
ثانيا :لازم ترطيب لانها لو مفيش ترطيب هيكون في جفاف ويمكن يسبب التهاب واسمرار في مناطق في الوجه
من افضل كريمات الترطيب Atoderm
السعر 79 جنيه 200مل
ثالثا : الترطيب المكثف (ماسك)
Sensebio mask
السعر 92 جنيه
كده البشرة الجافة تمام ونكمل باق الانواع بعد الفاصل لاني تعبت جدا
في انتظار ردودكم الحلوة
اكمل ولا لا؟؟؟
* د/ فارما PHARMACIST * * د/ فارما PHARMACIST * 176765_6.gif مشرفة الموقع Fatakat 176765 فتكات – معظم الاوقات