السلام عليكم احبتي في الله وحشتوني حد افتقدني هههه الحمدلله تعبانه شويتين وبقالي كام يوم يوميا عند الدكتور كشف وتحاليل واشعه بالصبغه ومنغير صبغه الله المستعان بصراحه مع اني فعلا لسه تعبانه بس حبيت اعمل اي موضوع كده تلكيكه يعني ههههه عشان اقولكم تدعولي ففتحت الصور عندي وطلعت صور لوصفه كنت عملتها في رمضاااااان اللي فات ولسه مانزلتهاش
نبدأ بسم الله
اولا هو نص ديك رومي § غسلته وقطعته علي 4 قطع او خمسه قولي الصدر علي 3 والورك 2 وفي طاسه واسعه هاديله صدمه مع معلقه سمنه ومعلقه زيت لونه اتغير اهدي النار واغطيه كويس من غير ميه واسيبه مع نفسه
هاجيب 2 كوب رز هندي واحط عليهم ميتهم وتكون مغليه طبعا
الكوبيايه دي يا جماعه شوربه مركزه من فراخ قبل كده صبيتها في كوبايه وحطيتها في الفريزر ولما احتاج اضيفها زي ما في الصوره السابقه كده لرز او مكرونه ااي حاجه
ها ضيف دلوقتي قطع الديك الرومي للرز في نفس الحله
بعدين اضيف التوابل بتاع الكبسه وسنه لون زعفران
واضبط ملح واغطي كويس ياريت احط ورقه فويل تحت الغطا تكتم الحراره عشان الحاجات تستوي كويس وده اول ما استوي وهولسه في الحله
وفضيته في سرفيس كبير
وقدمته بالهنا الحمد لله الرومي استوي كويس واللي ساعد الشويه اللي استوي فيهم الاول لوحده ع نار هاديه وكمان كمل سواه مع الرز و
طبق للحبايب ده الدبوس اللي جنب الصدر هههه
الطعم مميز للرز وللرومي وتجديد§
سامحوني لوغيبت عنكم فتره وادعولي ربنا يشفيني ويتم عليا نعمته وفضله ويدخلني جنته برحمته بحبكم في الله واسألكم الدعاااء
مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله