نبدأبسم الله اولا سامحوني لان ليا فتره مش برد ع مواضيعي كنت مريضه الحمد لله وثانيا انا جايه بس اطمنكم عليا واقلوكم هاغيب عنكم شويه لاني هاعمل عمليه بعد ايام ادعولي ربنا ينجيني لعيالي ويجعله في ميزان حسناتي ويهون عليا
طبعا دي من اكلات العيد بس اتاخرت عليكم بيها شويه اصالحكم بالصوره دي
ندخل في الموضوع بصراحه ماكنتش قادره اقف كتير عشان كده سهلت علي نفسي كتير في الطريقه بس النتيجه بجد تحفه اولا سلقت الضاني في ميه ومعاهم قطع زنجبيل وبصل وتوابل لحمه لحد ما استوت خالص
ودول 2كوب رز هندي ومعلقه توابل كبسه وعودين قرنفل ولومي وكام وحده حبهان قولي خمسه كله مع بعضه
واسقيهم ب4 كوب من شوربه الضاني السخنه الدسمه واكتفيت بالدسامه بتاعتها وما ضيفتش اي ماده دهنيه
واضبط ملح للرز واول مايشرب ميته اعمل حفره في جنب كده بالمعلقه واحط فيها معلقه صغيره كركم وبعدين اغطيها بالرز واهدي الناار
ولما الرز يستوي تمام اروح مقلبه الحفره دي مع نصف كميه الرز الاول وبعدي اقلب النصفين مع بعض يبقي حبه بيضه وحبه صفرا
طيب نيجي بقي للحمه الضاني اللي سلقناها كويس جدا نضبط لها ملح طبعا في الشوربه ده في الاخر بعد ما تستوي وبعد ماخد الشوربه للرز المهم اجيب طبق وفيه معلقه سمنه ومعلقه صلصه ومعلقه توابل شوي او توابل لحمه او بصل بودره وتوم بودره اللي عندك واقلب كله وبفرشه ادهن قطع اللحمه كويس
دهنتها كويس ادخلها تحت الشوايه
ولما الوجه ده يتحمر اقلب وادهن الوجه التاني وادخل تحت الشوايه يتحمر
واحطها ع وش الرز واقدم
طعم اللحمه بقي تحفه بعد ماتحمر مع التتبيله دي تحت الشوايه وكمان الرز اخد طعم الضااااني تمام من الشوربه الدسمه بتاعته والطعم تحفه بجد
وكمان الطريقه سهله ومضمونه صدقوني
مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله