السلام عليكم ورحمة الله وبركاتة
النهاردة عملت كبستى الفراخ لاول مرة والحمد لله عجبت جوزى فقلت لازم اوريهالكم بس سامحنى التصوير مش قد كدة اصلى كنت مستعجلة
المقادير
فراخ مقطعة الكمية اللى تناسبك(انا عملت نصف فرخة على قدى انا وجوزى )
2ك بسمتى
1م/ك بهارات مشكلة
م/ص كزبرة ناعمة
1م/ك كمون
1م/ك ملح
1/4 م فلفل اسمر
4م سمن او زيت
2بصلة مقطعة صغير
2طماطم مقطعة صغير جدا
3م/ك صلصة طماطم
6 فصوص حبهام
6قرنفل
2عود قرفة
4 ورق لاورا
10حبات فلف اسمر حب
2فلف حار
الخطوات
هنغسل الفراخ كويس جداااااااااااااا
هناخد كل التوابل المطحونة نحطها على بعض وبعد كدة ناخد نصفها ونتبل بية الفراخ لمدة ربع ساعة
هنكون طبعا ناقعين الارز
اول حاجة هنشوح البصل و معها الفلفل الاخضر الحار ف الزيت او السمن
بعد كدة هننزل بالفراخ على البصل ونشوحها لمدة 5دقايق كدة
بعد كدة هنضيف الطماطم المقطعة وصلصة الطماطم
كدة ضفنا الصلصة والطماطم على الفراخ والبصل
بعد كدة هنحط شوية ماية والتوابل الصحيحة كلها ف الماية ونسيب الفرخة تستوى
بعد مالفرخة تستوى هنشيلها من الشوربة ونحط الارز بعد مانصفية كويس ونظبط الملح ونحط باقى التوابل المطحونة اللى كنا سايببناة فوق فاكرنها( اللى تبلنا بنصفها الفراخ)
هتحطى الفراخ ف الفرن تتحمر وتتدهنى وشها بشوية زيت عليهم شوية كركم بيدى طعم جميل
ودة الشكل النهائى
سامحونى بقا الصور مش قد كدة
جربوها وقولولى رايكم
مواضيع هذا القسم برعاية
ايام من حياتى ايام من حياتى 264120_8.gif فتكات غالية قوي Fatakat 264120 فى قلب حبيبى – الدنيا