السلام عليكم ورحمة الله وبركاته
ايه اخبار الحلوين المقطقطين وفى السقعه مدفيين انا مش عارفه البرد ده هينتهى امته
الحمد لله على كل حال بصوا انا كان نفسى اعمل كبده زى اللى كنت باكلها زمان من
عند محل الحاج صالح فى الزقازيق اشهر كبدجى فيها بصراحه فكرت انى اعملها والحمد لله
نفذتها وطلعة روعه بجد روعه بصو يا حلوين هتجيبوا كيلو كبده وتقطعوها شرايح رفيعه زى ما انتو ا
شايفنها كده فى الصوره ماشى حلو الكلام
وبعدين تجيبى شوية رده زى ما فالصوره كده رده ناعمه
هتلاقيها عند بتاع الحبوب ماشى حلو الكلام
وبعدين تجيبى قطع الكبده بعد ما غسلناها بالخل والليمون وتتبليها
بالرده زى ما فى الصوره حلو الكلام
من الناحيتين زى مااحنا شايفيين فى الصوره
حلو الكلام
وكده الكميه خلصت اهه تمام حلو الكلام
بعد كد هنقليها فى الزيت الساخن بس مطوليش عليها يدوبك تتحمر من ناحيه وتقلبيها علطول علشان متكونش نشفه تكون طريه كدا ماشى معلشى الخطوه الجايه مصورتهاش بصى هتجيبى كام فص توم وهرسيهم مع قرن
شطه حراء وشويه كمون كده حلويين وشويه ملح وتهرسيهم خالص مع بعض وهى دى التكه قصدى الدقه
وبعد التحمير تجيبى كسروله بغطا وتحطى فيها من تحت رغيف عيش علشان يمتص كل الزيوت اللى هتنزل منها وتحمرى وطلعى الكبده وتحطيها فى الحله وترشيها ملح خفيف بالكمون وبعد ما تخلصى الكميه هاتى الدقه بتاعتك اللى مجهزنها ورشيها عليها وغطيها بسرعه علشان تتشرب كويسوهو دا شكلها النهائى
بجد بتبقى روعه بصراحه بس المهم بقه تحضرى معاها طماطم متقطعه صغيره وتسيبى شوية تتبيله على جمب بالتوم والشطه ورشيها عليها ااااااااااااااااااه على الطعامه واعملى سندويتشات بالكبده والطماطم والجرجير روعه
وادى كمان صوره مش خساره فيكم حلو الكلام
احلى حاجه بقه فى الموضوع ان ممكن تعملى مع الكبده مكرونه رز بالشعريه يعنى ممكن تنوعى معاها
وبالف هنا جربوها وعلى ضمنتى يا قمرات واترككم فى رعاية الله
والسلام عليكم ورحمة الله وبركاته
مواضيع هذا القسم برعاية
ام عمر فوده ام عمر فوده 906921_7.gif فتكات رائعة Fatakat 906921 جده – السعوديه