كبدة و كلاوي من بطن العجل لطاستي عدل

السلام عليكم ازيكم يا فتوكات يا حبايبي
اكلة النهاردة صدفة
علي رأي المثل تبقا في بقك و تقسم لبقي ههههههههههههههههههه
هاحكيلكم الحكاية
اصل انا كان عندي عزومة بعد بكرة ان شاء الله بس عزومة ايه من اللي قلبك يحبها اكل المسمط
و كنت موصية الجزار علي الحاجة من امبارح بس الناس اعتذروا النهاردة الصبح عشان مواعيد دروس اولادهم
قال يعني الدروس هتخلص المهم قولت لو ما خدتش الحاجة من الجزار بعد كده مش هيرضي يعمل حسابي فيها لما اقوله من قبلها فكرت شوية و قولت خلاص انا اجيب الحاجة و اخد علقة تنضيفها مرة واحدة و اعينها في الفريزر و ابقا استعملها حاجة حاجة
راح زوجي جاب الحاجة كوارع و كرشة و ممبار و فشة و طحال و لحمة و كبدة و كلاوي لسة الحاجة طازة و كلها تجنن
قولت انضف الحاجة و اشيلها بس حبايبي الكبدة و الكلاوي باموت فيهم طازة كده
قومت اخدتهم الاول و قطعتهم و غسلتهم كويس و حطيتهم في طاسة يتصفوا
و قعدت بقا انا و باقي الحاجة و الزمن طويل بس الصراحة الحاجة نضفت بسرعة عشان لسة جاية طازة
و قومت واخدة الكبدة و الكلاوي و علي الطاسة و حطيت عليهم كام فص توم مفروم ناعم و رشة فلفل اسود و نقطتين زيت و علي النار علي طول
و كام تقليبة و حطيت الملح
و هي مش بتاخد اكتر من 10 دقايق علي النار و تكون خلصت و جري علي الاكل
و شوفوا بقا الصور

مواضيع هذا القسم برعاية

molo_s2016 molo_s2016 277585_1.gif فتكات رائعة Fatakat 277585 القاهرة – مصر

سبحان الله و بحمده