ازيكم يا بنات
وحشتونى جدا
انا بقالى حوالى اسبوع بحاول انزل اكلات ومش عارفه بسبب المشكله اللى فى فتكات
يعنى كذا مره اسجل دخول والاخر الاقى نفسى لسه بره واقفه على باب المدونة هههههههههههه
بصوا بقى انا النهارده عملالكم كباب الحله انا عملته قبل كده كذا مره بس انا بحاول اغير حاجه فيه فى كل مره بعمله فيها
ودى صوره تجويعيه كالعاده يارب تعجبكم
طيب يلا ندخل على مكونات واسرار كباب الحله الاصلى
اول مكون اللحمه طبعا هههههه شوفتوا المعلومات الرهيبه اللى بقولهالكم هههههههه عشان بس تعرفوا قيمتى هههههههه
تانى حاجه البصل ولازم يكون كميه البصل هى نفس كميه اللحمه يعنى لو انتى عامله كيلو لحمه تحطى كيلو بصل لان ده اهم سر من اسرار كباب الحله
بهاراته ملح وفلفل ومعلقتين كبار خل لتفتيت انسجه اللحمه وبكده هتستوى اسرع باذن الله
سماق ولو مش عندك سماق ممكن تستعيضى عنه بنص لمونه فقط ده بيدى مزازه حلوه لكباب الحله
هى دى مكوناته فقط يا جماعه
الطريقه بقى
اول حاجه انتى هتجيبى اللحمه وتحطيها فى حله فيها حته سمنه صغيره لان اللحمه لسه هتنزل دهونها فمتكتريش السمنه او الزيت اللى هتحطيه
وتقومى مشوحه فيها اللحمه كوبس لحد ما تنزل ميتها وتشربها زى دى كده
وده البصل اهو نفس مقدار اللحمه
وهنا كنت قطعته شرايح او جوانح ومكن تغيرى التقطيعه بتاعته براحتك برضه
وبعدين قومت حطاه على اللحمه بعد ما نزلت ميتها وشربتها تانى وشوحته مع اللحمه طبعا لحد ما ياخد لون دهبى كده
وبعدين بقوم مزوده ميه حبه بحبه مع التقليب المستمر طبعا لحد ما كباب الحله يستوى خالص مالص هههههههه ويبقى بالشكل اللى جاى تحت دهووووووووووووووون
ياررررررررب يعجبكم يا جمر منك ليها ليها ليها ههههههههه
ايه رايكم فى اللون والطعم والريحه ؟
سؤال يطرح نفسه ههههههههه
لو عجبكم المنظر النهاءى قيمونى ولو معجبكمش قيمونى برضه عشان الوقفه الطويله اللى وقفتها على رجليا على باب المدونة هههههههههه
IMG]https://files2.fatakat.com/2015/2/14370821365077.jpg[/IMG]CENTER][/font][/size][/color][/b][/center][/font][/size][/color][/b][/center] مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر