قعدة المكتب عملتلي بطن و…..

السلام عليك ياقمرات …..
انا اول مرة في حياتي الجأ لموضوع الرشاقة والتخسيس وكدة
وده لاني طول عمري والحمد لله كان جسمي جميل ومتناسق ….لدرجة اني لما اتجوزت كنت شارية هدومي كلها مقاسات صغيرة يعني m & s
لحد لما حملت وخلفت كمان وانا كنت والدة طبيعي الحمد لله يعني مكانش فيه بطن بعد والولادة والدنيا زي الفل معايا ….مليت شوية ومع الرضاعة خسيتهم الحمد لله
لكن انا من بعد لما رجعت شغلي …..
انا مهندسة بس مش بانزل مواقع … فقاعدة في المكتب من 10 لحد 4 وطبعا مش عايزة اققلكم بالرغم اني بابذل مجهود بعد كدة لاني بروح اجيب بنتي من عند ماما واروح وباتحرك كتير خلال يومي
لكن حسيت ان قاعدة المكتب عملتلي بطن وجناب وارداف
خلااااااااااااص …الموضوع ده تاعبني جدا هو مش لدرجة كبيرة لكن فارقة معايا في لبس البيت وخصوصا ان معظم لبسي في البيت بديها وجينزات وكارينا وكدة …
ياريت حد يقولي اعمل ايه وانزل بطني دي ازاي

ام ملك علواني ام ملك علواني فتكات هايلة Fatakat 557354 اسكندرية – مصر

سبحان الله و بحمده