السلام عليكم ورحمة الله وبركاته
مساء الخير عليكوا يارب تكونوا كلكم بخير وبصحة ::
*****************
انا طبخت النهاردة قرنبيط مقلى كرسبى وكان طعمه حلو جدااااا قلت لازم ادوقكوا معايا
يلا نبتدى مع بعض
أولا : جبت من السوق عدد 2 قرنبيط صغير وقطعته قطع متساوية
ثانيا : مليت الحلة مياة و أضفت اليها الملح والكمون و القرنبيط المقطع و تركتها تغلى
ثالثا : بعد حوالى 12 دقيقة صفيت المياة من الحلة و حطيتها فى طبق لتجهيزها للتحمير
رابعا : حضرت عدد 2 من الخبز اللبنانى و ادخلتهم الفرن حتى تحمصوا و بعدين طحنتهم وعملت منهم بقسماط خشن
بس طعمه حلو جدااااااااااااا ياريت تجربوووه
خامسا : استخدمت عدد 2 بيضة كع ربع معلقة من الفلفل الأبيض و ربع معلقة
من الثوم البودرة و ربع ملعقة من 7 بهارات و رشة من الفلفل الأسود
سادسا : اخذت كل قطعة من القرنبيط المسلوق ووضعته فى البيض ثم البقسماط الخشن
سابعا : استخدمت زيت فول الصويا للتحمير ممتااااااز ياريت تستخدموه فى الطبيخ فوائده حلوة كتير
ثامنا : هذا هو الشكل النهائى للقرنبيط الكرسبى بعد تحميره فى اقل من دقيقتين
يارب يكون عجبكوا .. ياريت تجربوه وتقولولى رأيكم .. وبالهنا والشفا
مواضيع هذا القسم برعاية
star noga star noga images/avatars/yellowflower.jpg فتكات متميزة Fatakat 285588 ZAHLE – ZAHLE’ – LEBANON