نبدأ بسم الله قبل السحور بساعه اكتششفت ان مفيش عيش اول ما دخلت المطبخ شغلت الفرن دقيقتين وطفيت عشان احط فيه العجينه تخمر بسرعه والعجينه كا لتالي انا حبيت اغذيها ع قد ما قدر لان عيالي وانا بعمل اي حاجه بيكونوا واقفين جنبي يدوقوا والحمد لله طلع حاجه جميله فعلا يتاكل لوحده
نبدأ بسم الله 3 كوب دقيق وبيضه ورشه ملح ومعلقه كبيره سمنه ومعلقه كبيره لبن بودره ومعلقه كبيره خميره ومعلقه سكر صغيره
كله مع بعضه والم بميه دافيه
واغطيها وادخلها الفرن اللي دفيته وطفيته عشر دقايق بس اطلعها واعملها كور وارصها قدامي وابدأ افرد بالنشابه كوره كوره علي رشه دقيق
واجيب طاسه تيفال حلوه واحط فيها بعد مانفض الدقيق الذياده واروح ع البوتاجاز
هنا بقي عشان اخلص بسرعه شغلت الفرن ع الشوايه بس وحطيت الرف بتاعه تحتها بس مقلوب عشان انقل العيش من الطاسه عليه بعد مايكون استوي من تحت ليه لاني لو قلبته في الطاسه ع الوش التاني هايفقد ارتفاعه الجميل ده وكمان هاخد وقت اكتر فكنت بسوي الوش اللي تحت في الطاسه واجري بيه يكمل سواه الوش اللي فوق في الفرن تحت الشووايه واحط غيره في الطاسه وهكذا ماخدش وقت معايا خالص
شوفوا جميل ازاي ما شاء الله نفخ خالص
كده انقله بقي في الفرن مفيش دقيقه وهكذا لما نخلص
طبق للحبايب
ريحته ما شاء الله وطعمه جميل ومغذي جدا كفياه معاه جبنه بيضه
اسالكم الدعاء لي بالشفاء
مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله
سبحان الله و بحمده