بسم الله الرحمن الرحيم
احب انوه الأول اني مش دكتورة ولا حاجة انا مهندسة ديكور اصلا
المهم اللي مربيني جوز خالتي وكان زي بابا بالظبط وهو دكتور جراح وعلمني حاجات كتييييييييييييييرادعوله بالرحمة
المهم اخويا مرة حاجبه اتفتح فتحة جامدة قوي بس في حتة خشبة نضيفة وبأكد نضيفة يعني الجرح مش ملوث
كانت شكلها خياطة يعني خياطة جرينا على جوز خالتي نسأله نروح مستشفى قال المستشفى هتخيطه وهتبهدله عشان تاخد فلوس
جوز خالتي ضغط عليها جامد بالسبابة والوسطى بحيث يضم الفتح على بعضه تاني لمدة 5 دقايق مثلا وبكل قوته ماتخليش الجريح يصعب عليكي كدة احسنله والله ( وممكن تهدي المصاب بانك تقوليله كدة احسن ولا تروح تتخيط )
المهم بعد ماخلص نقط عليها البيتادين وجاب بودرة مضاد حيوي _ ولو مش متوافرة عندك ممكن اي كبسولة مضاد حيوي تكون بتستخدم بس المهم في حالات الجروح _ وحطها على الجرح المبلل بالبيتادين عشان تنشفه بسرعة وحط الشاش المحشي بحتة قطنة ولزق على كدة
والله الجرح لم كويس وبنضافة وماسبش أثر جامد طبعا زي الخياطة
نفس الطريقة دي عملتها مع ابني من اسبوعين عنده سنة ونص ووقع على راسه واتفتحت 5 سم 2 سم منهم شكلهم خياطة بس خفت الشعر مايطلعش تاني والواد يتبهدل في الخياطة خاصة ان اي مستشفى بتقول خياطة عشان تاخد قرشين مش اكتر والحمد لله الجرح نشف على نضافة ولم وزي الفل
نفس الجرح ده ابن خالتي اتصاب بيه وودوه مستشفى علطول واتخيط طبعا وسابت أثر وحش قوي في وشه وده كان سبب رفضه في انه يباى وكيل نيابة
لو عجبكو الموضوع قولولي وانا هاكملكو الحاجات اللي اتعلمتها من جوز خالتي الدكتور الجراح في مواضيع تاني واهو تبآى صدقة جارية عنه ويارب ارحم بابا اسماعيل
mona salem mona salem فتكات متميزة Fatakat 445244 القاهرة – مصر