زى مانتو عارفين أنا بحب أعمل أى أكلة تعجبنى بطريقتى الخاصة
يالا بإسم الله
المقادير:كيلو لبن _كيلو صدور بانيه مقطعة شرايح_12كيلو مكرونة اسباجيتى او شرايط_علبة مشروم صغيرة_كيس خلطة بشاميل فاين فودذ_2 مكعب خضروات فاين فودذ_6 ملاعق زيت_2فص ثوم ناعم_12 معلقة ثوم بودر_ملح _فلفل اسمر_قرفة ناعمة
الطريقة والتكنيك: الطريقة فى 3 خطوات اساسية فى وقت واحد
1-فى اللبٌانة ندوب كيس خلطة البشاميل مع الثوم البودر مع كيلو اللبن وترفع على النار مع التقليب لحين الغليان
( الثوم البودر فى البشاميل خطوة مهمة لا غنى عنها )
2-فى حلة المكرونة بعد غليان الماء نضع زيت وملح والمكرونة لحين سلقها ثم نصفيها وتشطف بماء بارد
3-فى صينية نضع 2 ملعقة زيت ونصفر فيها فصين التوم الناعم ونضيف الفراخ على نار عالية يتغير لونها ثم نخفض الحرارة
تخر مايتها وتشربها ونضيف نص كوب ماء للسوا ثم المشروم والتوابل والملح مع ترك كمية من صوص الفرخ فيها
(بعنى ما تشربش مايتها للاخر)
كدة البشاميل اتعمل والمكرونة اتسلقت ودة شكل الفراخ لما استوت
هانضيف عليها البشاميل (طبعا سيبنا مرقة فى الفراخ عشان يخفف البشاميل ويبقي زى الكريمة)
وهنا المكرونة مع معلقتين زيت وخلطة الفراخ بالكريمة ونقلبهم كويس
ودة الطبق النهائي
وزووووووووم مريع ممكن تضيفي موتزريلا على الوش
ملحوظة ان اول مرة كلت الطبق دة كان فى مطعم للاكلات الايطالى ولما عملته ما استخدمتش لا كريمة لبانى ولا قشطة وحاولت على اد مقدر اقلل سعرات الطبق دة بس اهم شئ انه نفس الطعم بالظببببببط ويمكن احلى كمان لانه خفيف ودة بشهادة اللى جرب طبق المطعم وطبقي بطريقتى الخاصة اتمنى يكون عجبكم واهم شئ كل سنة وانتم طيبين اللى تجرب الطبق تدعيلي دعوة حلوة
واوعو اوعو اوعو تنسو التقييم
مواضيع هذا القسم برعاية
قلبي يا كتاكت قلبي يا كتاكت 433873_71.gif فتكات ست الكل Fatakat 433873 قلب جوزى حبيبي وبناتى ❤ – مصر