اذيكم يااحلى البنات
النهارده حنعمل فطير بالبسطرمه وفطير بالسبانخ وفطير مشلتت لعيون القمرات
حنقول بسم الله
العجين
4 كوب دقيق
2 معلقه كبيره لبن بودر
2معلقه سكر
نص معلقه صغيره ملح
ونقلبهم ونعجن بماء دافى لحد ما تمسك نفسها
الخطوه دى مهمه
ومن غيرها الفطير بيبوظ
الرااااااااااااااااحه نيبها ترتاح اقل شئ نص ساعه
وناخد العجين ونكورها كور صغيره
وكل كوره ندهنها بايدينا بالزيت
ونسيبها ترتاح تانى مهم جدااااااااااااااااا
((الفطير بالبسطرمه))
**ندهن الرخامه بالزيت ونفرد كوره منها بالنشابه النشابه افضل من الايد وبتفرد بسرعه
المهم انك تفرديها لدرجه انها تكون شفافه واذا قطعت منك مفيش مشكله كملى
هنا انا عايزه الفطيره طريه
عملت 2 وحطيتهم على بعض عشان تكون سمكها حلو والحشو مش يقع
وكل لما نفرد العجين ندهن زيت دى نقطه مهمه
وحنحشى دى مكوناتى
بسطرمه جبن رومى فلفل رومى زيتون طرانشات وطماطم مقطعه وعليها ملح وفلفل اسود
شايفين بنحشى من النص
بنضم الطرفين للوسط ونسيب التانيين عشان نقفل بيهم وده عشان نخلى الحشو يثبت مش يقع من العجين وتكون طريه كمان
حطينا هنا الحشو
و نقفل من الجناب
وده شكلها
ودى طريقه تانيه لو حبيتى بس انا مش بفضلها
لان الحشو مش بيتوزع مظبوط فيها نفرد راق واحد ونحشيه ونقفله ونفرد راق تانى ونحط الكوره العجين اللى فيها الحشو فى قلبها ونفردها بعد لما ترتاح
شايفين
فطيييره السبااااانخ
مكونتها معلش ملحقتش اصورها
نص سبانخ تقطعيها وتغسليها وتصفيا كويس
ليها طريقتين
الاولى تبشرى بصل وتحطى السبانخ وعليها لمون وملح وشطه على نار هاديه لحد ما تذبل
وتحطيها فى مصفاه تنزل ميتها لان ميتها ممكن تبوظ العجين
ودى هى طريقتى
الطريقه التنايه نى فى نى سبانخ ولمون وبصل وشطه وتحشي على طول
انا استخدمت الطريقه الاولى
فردت العجين بسمك واحده بس وحقفلها ذى الظرف
ده شكلها
ودى الكميه بتاعتنا
وطبعا مننساش اى عجين يتفرد لازم ندهن زيت
ندخل على المشللللللللللتتتتتتتت
طبعا الدهان مختلف مش حيكون زيت بس
بصو 80 فى الميه سمن بلدى وشويه زيت
انا عملتها 8 كورات عشان تكون حلوه ومورقه وطريه
بصو هنا انا بفرد العجين واطبقها وافرد التانيه واللى طبقتها بحطها فيها واقفلها
واكرر باقى ال8 طبقات
وده شكلها وكل راق ندهن سمن بس طبعا تكونى مسيحاه فى السقعه دى
ودى خطووووه مهمه جدددددددددددددددا
بعد اخر طبقه نسيبها ترتاح نص ساعه
ليه بقه
عشان نقدر نفردها كويس وتتفرد معانا
احنا عايزينها اكبر من كده
وهنا نقفل ودى اخر طبقه ونحطها فى الصينيه ترتاح
وبعد لما ترتاح نفردها حتلاقيها بتتفرد معانا بكل سهووله
وندهن وشها بالقشطه وده عشان تكون مخرفشه ووشها جميل وطبعا من جوه طريه جدا جنااان
انتظررررررررررونى لسه مخلصناش
مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره