فطاير مثلثات بالجبنه المثلثات للفطار والعشا مين قال هات§§

السلام عليكم احبتي
كل كوبايه دقيق لها معلقه سكر ومعلقه لبن بودر ومعلقه خميره ومعلقه زيت وبيضه واحده ولمي بميه دافيه وضاعفي الكميه لو حابه

نسيبها تخمر متغطيه ونجهز الزيت للقلي ونفتح الجبنه

نقسم العجينه كور متساويه الحجم ونا خد الكوره نفرده دايره بس سميكه بتخن سم ونحط الجبنه في النصف نتني الطرف اللي تحت الاول

وبعدين نتني الجوانب هايطلع مثلث نقلبه ونبططه بايدينا شويه وع الزيت السخن واقلي

نطلع ورشه زعتر

شوفوا جمالها من جوه

سهله ومغذيه وبسيطه وعجبت عيالي جدا يارب تعجبكم

ياجماعه عشان اخوات سالوا انها مقليه وكده والله ما بتشرب زيت جربي طلعيها في مصفي بعد القلي وبعدين حطيها ع مناديل وشوفي بنفسك واضغطي بالمنديل قوي اعصريها مش مهم واحده ابقي كوليها انتي انا عملت كده ومفيش زيت طالما العجينه خمرت ونزلتي بيها في زيت سخن مش هاتشرب زيت ولو مصممه تعمليها في الفرن بقي هاتكون ناشفه شويه افضل تزودي كوب لبن رايب او علبه زبادي وانتي بتعجني عشان تكون طريه
بس هي كده مقليه وهشه وطريه وخفيفه جدا والريحه ايه والطعم كمان الحمد لله خلصت في ساعتها ووعدتهم اعملهم تاني
كل سنه واللي جايه احلي من اللي قبلها في كل شيئ

مواضيع هذا القسم برعاية

sabrein sabrein 399849_15.gif برنسيسة فتكات Fatakat 399849 في ارض الله – في ارض الله

سبحان الله و بحمده