الســــــــلام عليــــــــــكم ورحمـــــــــــة اللــــــــه وبركــــــاتـــه
إزيكوا يا فتوكات أخباركم إييييه؟
أنا إمبارح عملت تشكيلة معجنات بعجينة العشر دقايق
بصراحة أنا كنت معتمدة طريقة تانية
بس قلت خليني أجرب العجينة دي الكل بيمدح فيها
وبصراحة طلعت روووووعة وهشة ولذيذة وسريعة جدا جدا
العجينة دي عبارة عن إييييه؟
خليكوا معايا
أول حاجة هتحطي ست حاجات مع بعض
كوبايتين دقيق، كوبايتين ميه دافيه،
معلقتين كبار خميرة فورية (استخدمت كيسين من السوبر ماركت)
معلقتين حليب بودرة (انا استخدمت كيس من السوبر ماركت بجنيه)
معلقتين كبار سكر، شوية ملح صغيرين (معلقة صغيرة أو أقل شوية)
تخلطيهم بالمعلقة وهيكون الخليط سائل
وتغطيه وتحطيه في مكان دافي يخمر لمدة عشر دقائق بس
وتجهزي الخلطات اللي أنتي عايزاها خلال الفترة دي:
ودي صورة العجينة لما خمرت:
لما تخمر تزودي عليها 3 كوبايات دقيق، ونص كوباية زيت وتعجنيها كويس أوي..
هتكون العجينة بتلزق شوية بس مش مشكلة؛
إدهني إيدك بشوية زيت وشكلي التشكيل اللي أنتي عايزاه؛
أنا هنا عملت خلية نحل بالجبنة المثلثات:
(بتاخدي حتة عجينة صغيرة وتحطي جواها قطعة الجبنة
(المثلثة الواحدة قسمتها أربع قطع)
وبعدين بتقفليها على شكل كورة والقفلة تكون من تحت
وترصيهم جنب بعض بس متلزقهمش في بعض)
وعملت فطاير بالعجوة
( عملت عجينة طويلة وحطيت فيها صباع عجوة من غير النوى طبعا وقفلتا وشققتها بالسكينة):
وعملت فطاير بيتزا صغيرة
( حطيت عليها كاتشب وفلفل شرايح وجبنة رومي مبشورة بس):
(بس نسيت أصورها وهيا عجينة)
وعملت بقا الحاجة الجديدة فطاير السلحفاة
(ده شكل جديد وسهل خالص تشكليها بالشكل ده زي ما في الصورة كده):
طبعا بعد ما تشكلي تكوني مسخنة الفرن على أعلى درجة حرارة
ولما تستوي تفتحي عليها الشواية تتحمر من فوق
ودي أشكال الفطاير بعد ما طلعت:
(خلية النحل بترشي عليها عسل أو شربات تقيل بارد لما تخرج وهيا سخنة)
&
&
&
(هنا السلحوفات لما استووا شكلهم بيتآمروا عليا)
(وبعدين حشيتهم زي ما أنتوا شايفين كده)
ودي صور للتعذيب
يارب تكون عجبتكم وتجربوها وتدعولي
ومحدش يخرج طبعا غير ما يدعيلي إن السنة الجديدة تبدأ وأنا حامل في يوسف إن شاء الله
وربنا يرزق كل الأخوات اللي منتظرين الحمل
آمييين،،،
مواضيع هذا القسم برعاية
**اللؤلؤة** **اللؤلؤة** 152238_2.gif سوبر فتكات Fatakat 152238 FATAKAT – FATAKAT