فسيخي الجامد ولا اجدعها فسخاني ادخلي واحكمي بنفسك

انا اترددت كتير قبل ما اعمل الفسيخ بس عملته ونجح معاية من اول مرة وطلع خرافي طعمه تحفة ولا اجدعها فسخاني
الطريقة//
هنجيب سمك بوري انا بجيب الكيلو سمكتين عشان يبقى سمين وحلو
ملح خشن
اكياس بلاستيك
الطريقة//
هنجيب السمك طازة
ونغسله كويس وبعدين نحطه على ورق ابيض ينشف
وبعد كدة نحطه ساعة في الشمس
بينشف في حوال 12 ساعة يعني نص يوم
بعد كدة بنجيب الملح الخشن الكيلو عليه كيس ملح تقريبا
وبنحط في السمك في الخياشيم نحشي بيه كتير
ونحط تحت السمك وفوقه ملح بردو كتير
بعد كدة بنحطه في اكياس بلاستيك كتير ييجي 7 او 8 اكياس ونقفل عليه كويس ونطلع الهوا من الاكياس ودي خطوة مهمة جدا عشان ينجح معاكي وبعد كدة نحطه في فرن البوتوجاز وكل ما تفتكريه اقلبيه على الناحية التانية وهكذا لحد ما يستوي
بيستوي في اد ايه بقا بيستوي في اربع ايام وتاكليه بالف هنا في اليوم الخامس بيبقى تحفة جربيه وعلى ضمانتي واديه صورته التحفة

وادي صورته مع البصل بالخل واللمون وطبق الخضار المتين
والتقييم اجباري طبعا واستنوني في مواضيع كتيرة كتير ربنا يجعله في ميزان حسناتي مواضيع هذا القسم برعاية

صمت الكلام 2024 صمت الكلام 2024 فتكات نشيطة Fatakat 723273 الاسكندرية – الامارات

سبحان الله و بحمده