بسم الله الرحمن الرحيم .. وبه نستعين
السلام عليكم ورحمة الله وبركاته
اولا الف الف مبــــــــــــــــــــــــــــــــروك لكل عروسة خلاص حتروح لعش الزوجية وربنا يهنيكم ويسعدكم وعقبال كل البنات ياااااااااااارب
حقولكم على شوية حاجات لازم تاخدوا بالكم منها يوم نقل مفروشاتك وتنجيدك والصيني والاجهزة بتاعتك:
1- اولا اتفقى مع عريسك لو حتجيبوا الاجهزة والنجف من بدري قبل ما تتجوزوا بفترة انكم تنقلوها فى بيتك وده طبعا لو المساحة عندك تسمح (وده عشان يوم لما تنقلي الفرش تنقلوا الاجهزة بالمرة طبعاً)
2- حضري حاجتك قبل يوم النقل بأسبوع يعني فضي الصالة والمكان اللى ادام باب الشقة عشان خاطر الناس اللى حتدخل تاخد الحاجة وقبلها بيومين تكونوا شايلين السجاجيد اللى فى الصالة كلها وخصوصا الاماكن اللى حيكون فيها رجل كتير.
3- لو مجبتيش كراتين كتير تحطي فيها حاجتك وعندك شنط سفر حطي فيها اطقم الكاسات والكوبيات وحطي فوقها هدوم بسيطة وبعد ما تقفليها اكتبي ورقة (قابل للكسر ولزقيها بسلوتيب عريض وحاولى تلفيه على الشنطة عشان يمسك كويس (وكمان برفاناتك لما تحطيها حاولى ترصيها فى كراتين صغننة وتروحي حطاها بعد كده فى شنطة سفر صغنونة )
4- يوم النقل ده مش يوم فرح يعني متفضليش تعزمي امة لا أله الا الله أعزمي الناس اللى ممكن تساعدك وتشيل معاكي وتخفف من توترك اليوم ده
5- أهم حاجة حاولى بالله عليكي يا عروسة تكوني هادية وتقعدي تدعي ربنا وتقري قرآن وتدعي أن ربنا يحفظ حاجتك..الادعية وذكر ربنا حيكون له أثر كبير في تهدئة نفسك.
6- المخداااااااات بتاعتك ياريت لو حتحطي كسوة الدرابية بتاعتك بتاعت المخدات وحتكسي مخداتك ياريت تحطيها فى الكيس اللى جبتي فيه الفايبر عشان متتبهدلش عشان دي اكتر حاجات ممكن تقع من العربية او تقع من الناس وهما شايلينها وحطي فوق فرشك فى الاخر ملايتين من بتوع مامتك عشان الراجل بتاع العربية حيربط عليهم حبل ممكن يبهدلهم
7- متقلقيش وتقلقي عريسك اليوم ده خليكي فرحانة انك بتنقلي حاجتك اخيراً لبيتك
ياريت يا بنات اللى عندها معلومات ونصايح تضيفها للموضوع عشان نفيد بعضنا
ادعولى بتيسيير امورى وسعة رزق زوجي المستقبلي بإذن الله
ودي مشاركة من العضوة يارب ارجو عفوك
قلــب الملائكة قلــب الملائكة 654796_1.gif فتكات متميزة Fatakat 654796 الإسكندرية – مصر حبيبتــي