طبعااا اول حاااجة انتوا كلكوا وحشتووووووووووووونى جدااااااااا جدااااااااااااااااا
مش عارفة اشكر كل واااحدة دعتيلى و فرحتلى من قلبها و كنت فى بالها يوميها ازاى بجد انتوا اكتر من اخواااتى
طبعا زى ما انتوا عارفييين و حكيتلكم عن اللى حصلى و الجراد هههههههههه
بس انا زى ما حاجة واحدة حصلت و بوظت الدنيا انا الحمد لله كنت مرتبه باقى الحاجة كووويس جداااااا جداا فالحمد لله الباقى عوضنى عن اللى حصلى بحاجات تانية كتيييييير تفرحنى
انا هنا هبدأ معاكم عشان احكيلكم كل التفااااااااااصيل اللى انتوا مستنينها كل الحاجات اللى رتبتها و رتبتها ازااى
بس قبل اى حاااجة ادعولى ربنا يبعد عنى العين عشان و ربنا اتهريييت هههههههههههه
حاجة مهمة جداااااااا
انا معلش بعتذر عن اى اسعار انى اقولها لكن هديكم العنوانين و التليفونات للناس تكلموها و تسئلوا لو حد حابب يعرف سعر اى حاجة و ده مش عشان اخبى المعلومة بس مراعاة شعور لكل بنت ممكن تحس ان فيه حاجة غالية او حتى حاجة رخيصة لان الهدف من موضوعى مش انى مجرد اعرض الحاجة و خلااص انا كل اللى بعمله انى بحكيكلم انا رتبت ازاى و عملت ايه عشان تستفااادوا و ده كل هدفى و الله انا مش هستفيد اى حاجة غير انى بس اساعدكم
الموضوع لو ان شاء الله لقيت فيه تفاعل هيبقى فيه اجزاء تانية ازاى عملت العفش عمولة و ازاى رتبته و الفرش و الهدوم و الميك اب و كل الحاجات ديه بس انا حابة ابدا النهاردة من اول ما حددت ميعاد الفرح فى صورة نقط هتحطيها فى ورقة و تشطبى على كل حاجة لما تخلصيها
انا كنت على الموبايل عاملة نوت كده كل شوية اكتب ايه اللى ناقصنى و المشاوير و كل حاجة المفروض اتابعها عشان مش انسى حاجة
اولا : الفستان
اول ما حددت ميعاد الفرح عالطوول نزلت قلت اتفرج على الفساتين
الصراحة انا كان فى دماغى موديل معين بدور عليه بس انا سايباها زى ما تجى و الله لقيته حلو ملقتوش برضه مش هزعل و هيا ديه كانت طريقتى داايما خليكى دايما كده مرنه تتقبلى اى افكار او اى حاجة جديدة تحصلك
المهم انا قلت الاول هجيب الفستان من بره من امريكا فى موقع كويس انا اعرفة بيجيب فساتين اصلى بس المشكلة ان الدولار كان بدا يرتفع فقلت خلاااص ملهاش لازمة وجع القلب و الجمارك
قلت خلااص هنزل اتفرج فى عباس العقاااد دخلت حوالى 3-4 محلااات لحد ما وصلت لاتيليه فى نص عباس العقاد فوق بن شاهين على ناصية البطراوى اسمه هتجوز قلت اما اتفرج و لقيت الفستان اللى فى دمااغى بالظبط و شفت فستان تااانى سبحان الله الفستان التانى عجبنى اكتر و غيرت فكرى تماما و قلت خلااص هوا ده عجبنى ايه اللى يخلينى اتردد و ديه النصيحة الاولى بقى :
لو حاجة عجبتك و دخلت دمااغك اووووعى ترددى .. دايما فى اعتقادى اكتر واحد بتردد اكتر واحد بيلبس فى الحيطة
المهم انا اتفقت ساعتها على ايجار اول لبسة و كنت قلقاانة جداا قلت بس دول هيلبسووه بس الحمد لله طلعوا محترميييييييين جدا بس خلى بالك ساعتها تتفقى على كل حاجة يعنى تدفعى عربون و تكتبى فى العقد ( الفستان + الطرحة + البوليرو مثلا + البدى لو عاوزة بدى تحتيه ) و قوليلها انا هاخدة قبل فرحى بيومين تلاتة و حاولى متدفعيش اكتر من تلت مبلغ الايجار كعربون
خلاااص انا بقى حددت شكل الفستان بس لازم ليه اكسسوارات اللى تجيبيها من بدرى عشان تبقى مطمنه ان كله تماام
1- الحلق و السلسة
الموضة دلوقتى اللولى خصوصا لو الفستان اوف وايت بيبقى روووعة بجد
لو الفستان مقفول متلبسيش اى سلسلة من اى نوع
لو الفستان كمه قصير ممكن تلبسى غويشة bracelet من اللولى تبقى حاجة بسييطة كده بتبقى تحفففة
2- البرا
مهم جداا يا بناات تجيبى برا مظبوط عليكى جداا و طبعا يكون ابيض و تكونى قيسينه عشان بيفرق قووى فى الشكل
انا دوورت كتيير لقيت احسن واحد عند محل la senza الدور التانى فى سيتى ستارز و كان بجد جمييل جدااا
3- الشراب يكون فوال كريستال طووويل
4- شورت ابيض قصير
5- الشوز :
طبعا انا مش عارفة ليه كل البنات فى اعتقادها انها لازم تجيب جزمة بتلمع او بكعب عالى قووووى عشان يبقى حلوو المهم يعنى ان التفكير ده غلط
من الاخر جيبى اى جزمة تكون لونها ابيض كعب متوسط و تكوون مرييييييييييييحة
انا جزمة الفرح جايباها من محل اسمها payless فى سيتى ستارز الدور الاول و كانت عبارة عن جزمة بيضا مفهاش اى حاجة غير انها مرييحة
استنونى هكمل كل التفااصيل ان شاء الله فى البوستات اللى جاية
و ياريت المشرفة تساعدنى انها تحط لينك كل بوست فى الصفحة الرئيسية للموضوع
محدش ينسى يدعيلى لو حاسس ان الموضوع مفيد ليها
meshmesha123 meshmesha123 فتكات ست الكل Fatakat 212469 مدينة نصر – Egypt