ازيكو ياقمرات يارب تكونو بخير جميعا
النهارده عملت فراخ روستو بس كانت رهيييييبه اتمني تجربوها هتعجبكم اوي وعملت معاهارز بالشعريه وبطاطس زي بتاعه ماكدونالز كانت اكله تجنن والله وكنت عازمه عليها ناس اتهبلو علي طعم الفراخ
مش هطول عليكو اكتر من كده الاول خدوا الصورة دي بعد التسويه
حلوة؟
طيب ندخل بقي علي المقادير
4افخاد فراخ مقسومه نصين(ممكن فرخه كامله او صدور بس)
2طماطم متوسطه مقطعه جوانح
3فلفل الوان او فلفل اخضر بس مقطعه جوانح2بصله متوسطه مقطعه جوانح
والتوابل
نص معلقه صغيرة(فلفل اسمر-بهار حلو-بصل بودرة-توم بودرة-جنزبيل بودرة-قرفه-بابريكا)
ومكعب ماجي وملح
ومعلقة زبده او سمنه
ودي صورة المقادير
الطريقه
اول حاجه هنحط الزبده تدوب في الصينيه كده
وبعدين نحط الفراخ تتحمر نعمللها صدمه يعني
ويكون الجلد من تحت كده
تتحمر كويس ونقلبها علي الجنب التاني كده
ولما يتحمر نشيلها في طبق علي جنب كده
ونحط مكانها البصل ونشوحه شويه كده
وبعديننحط كل التوابل بالشكل ده كده
ونشوحونضيف الفلفل والطماطمكده ونشوح
لحد ماالخضروات دي تدبل شويه
نروح حطين عليها الفراخ تاني ونطلع بقي بالمعلقه من الخلطة دي علي الفراخ من فوق بالشكل ده كده
بس كده هنغطيها بقي ونهدي النار شويه
ولما تستوي كويس هنلاقيها عملت صوص حلو اوي من تحت وده شكلها لمااستوت وقلبتها علي الجنب التاني قبل ماادخلها الفرن
بعد كده هحطها تحت الشوايه تتحمر واكون ولعتلها فحمايه واحطها في النص واحط عليها نقطتين زيت واغطيها بسرعه
بتبقي جنااااااااااااااااااااااااااان
وده شكلها قبل الغرف
طبعا الرز بالشعريه سهل مووووووووت وكلكو عارفينه
البطاطس دي انا بجيبها من السوبر ماركت نص مقليه حلوة اوي
بس عايزة تتحمر وتتاكل علي طول
وده شكل الطبق بعد الغرف بقي وقبل ماييجو الضيوف
ملحوووووووووووووووظه
انا بعمل اللحمه كمان بنفس الطريقه مع رز برضو وبتبقي تحفه بس لو اللحمه كبيرة بتاخد شوية وقت
انا كده خلصت يارب يارب يكون الموضوع عجبكم
مواضيع هذا القسم برعاية
القطه المشمشيه86 القطه المشمشيه86 515684_2.gif سوبر فتكات Fatakat 515684 القاهرة – مصر