مساء الفل عليكم يا احلى فتوكات
عملت اصناف لذيذه وقلت لازم اوريكم وقولولى انفع ابقى ست بيت ولا لاه
ندخل بقى فى الموضوع
اول حاجه
فته الشاورما ( انا اول مره اعملها بس بجد طعمها رووووووعه )
المقادير
انا عملتها بالفراخ انتى ممكن تعمليها باللحمه كمان
**نص كيلو فراخ بانيه او وراك مخليه
فلفل رومى شرايح
بصل شرايح
ملح وفلفل وزعتر وبهار فراخ ومعلقه طحينه كبيره
هتكونى متبله الفراخ بكل التوابل اللى عندك وتنقعيها كام ساعه وياسلام لو بقالها كام يوم متبله
هتجيبى طاسه تسخنى معلقه زيت وتنزلى بالفراخ تتشوح وبعدين تحطى البصل وتزودى شويه ميه صغيره
وبعدها بخمس دقايق تحطى الفلفل الرومى والتوابل وتقلبى وخمس دقايق كمان وتحطى معلقه الطحينه وتقلبيها
هتلاقيها خلاص استوت لان الفراخ مش بتاخد وقت طويل
**وتجيبى رغيفين عيش تقطعيهم وتحمصيه ف حته سمنه
**الرز بقى انا عملتها برز بسمتى
تجيبى مقدار الرز اللى يكفيكى تغسليه وتنقعيه شويه
وبصله مقطعه صغيره
2 معلقه سكر
توابل : ملح ورشه فلفل وكركم وكارى ورشه قرفه وكام فص حبهان وورقتين لورا
وشوربه او ميه
تجيبى الحله تشوحى البصله فى شويه زيت او سمنه ولما تلون تضيفى معلقتين السكر وتقلبى لحد مايكرمل
وبعدين تحطى التوابل كلها وتقلبى وبعدين تضيفى الرز وتقلبى
وتحطى الشوربه او الميه هتحطى لكل كوب رز كوبايه وربع شوربه او ميه
لحد مايغول ويتشربو وبعدين توطى
**الصوص بقى عباره عن وانتى بقى ممكن تضاعفى الصوص ع حسب الكميه :
2 علبه زبادى
2 معلقه طحينه بيضا كبيره
معلقه مايونيز كبيره
معلقه خل كبيره
رشه ملح وفلفل وكمون وفص توم
تقلبيهم كويس وتسبيهم بقى لما تيجى تغرفى تحطيه ع الوش وممكن كمان تحطى مكسرات ع وش الصوص
وادى الصووور
ندخل ع الفراخ والبصل وخلعنا كنتاكى
بجيب الفراخ البيضا
انضفها واغسليها كويس واتبلها
اجيب الخلاط احط فيها بصل وطماطمه وملح وفلفل وكمون ووروز مارى وزنجبيل وبردقوش وقرفه وورق لورا وبابريكا وشطه وتوم وبصل بودره ومايونيز ومسطره وكاتشب وخل ولمون وزيت وصويا صوص وهوب ضربا مبرحا ف الخلاط واتبل بيها الفراخ وبشيلها فى الفريرز متبله وكل ماطول ف التتبيله بتبقى جامده
وبعدين اقطعها لقطع واسويها ع النار من فوق فى صينيه وعليها شويه ميه عشان اضمن تسويتها ف التحمير
والبصل اقطعه حلقات تخينه شويه
واجيب طبق فيه معلقتين دقيق وتوابل اللى قلتلها ف التتبيله فوق ونزل عليهم بميه معلقه معلقه كده لحد ماتبقى زى المهلبيه
وطبق تانى فيه دقيق عادى عليه معلقه بكنج بودر
احط الفراخ ف التتبيله السايله وبعدين دقيق وبعدين السايله تانى وبعدين دقيق ومش تضغطى عليها
عشان تعمل خرافيش كده وع زيت سخن مولع وتكون النار هاديه
والبصل بردو كذلك
وادى الصور
البصل حلقات اهو شيفييييييييينه
زووووووووووم
والتحليه بقى كانت كيكه التفاح والقرفه بالكراميل
اربع تفاحات شرايح طويله متقشره
ورشى عليهم معلقتين سكر كبار ورشه قرفه بسيطه وافركيهم ببعض
نص كوب سكر للكراميل
تعملى الكراميل فى الصينيه اللى هتخبزى فيها الكيكه
وترصى عليه التفاح الشرايح بشكل دائرى
ومقادير الكيكه بقى
3 بيض
فانيليا
كوب ونص سكر
نص كوب سمنه ع زيت
كوب لبن
3 كوب دقيق
باكو بكنج بودر
تضربى السمنه مع وبعدين تحطى السكر وتضربى وبعدين البيض وبعدين تنزلى بالدقيق حبه بحبه
لحد ما الخيط يبقى متجانس وتفضيه فى الصينيه ع التفاح
وتكونى مسخنه الفرن كويس وتحطيها ف النص وتخلى النار وسط ومش تفتحى عليها الا بعد تلت ساعه عشان
مش تهبط
وتغمزيها بخله عشان تشوفى استوت ولا لسه وتخلى بالك منها
وده شكلهااااااااا
زوووووووووووم
وكمان
قالب الكيك بالايس كريييييييييييم
بعمل كيك ف قالب طويل واخاد طبقه من الكيك واحطها فى قرع القالب واكون حاطه ورق زبده فيه من تحت عشان تتقلب بسهوله او لو عندك صينيه كلبس تبقى اسهل وهتبقى مدوره بقى
وبعمل ايس كريم عادى كذا طعم وشويه مكسرات مجروشه
احط طبقه الكيك وعليها طبقه ايس كريم ومكسرات وادخلها الفريزر تجمد ربع ساعه واطلعها واكمل باقى الطبقات بنفس الطريق
وادى صورتها
وعملت كاسات تتاكل كده من غير ما قلبها وده شكل الكاس وهو مشبرررر
وبكده اكون خلصت
انا بجد تعبت ف الموضوع جدا فياريت اللى تشوفه ويعجبها
تقيمنى وترد عليا ولو برد بسيط
ردكم وتقييكم هو اللى هيفرحنى جدا وههحس انها قدرت تعبى
هوريكم حاجه
كنت بحط ع ايدى فازلين ومبصتش حتى ع ايدى وانا بحطه تخيلو طلع شكل قلللللب
شوفتو القلب لو قاصده اطلعه كده مش هيطلع
بس ايدى شكلها سكر هههههههههههه
اانا بس حطتها عشان اقولك ده قلبى وهو بيحبكم اوووووووووووى وانتو بيتى التانى
بحبكم يا اجمل صحبه ف الدنيا
راعاكم الله وحماكم وادعولى بالزواج الصالح مواضيع هذا القسم برعاية
8765- 8765- 7028_1.gif ممنوعة من المشاركة Fatakat 7028 الاسكندريه – مصر