شاورما الفراخ
مقادير الشاورما : نص كيلو صدور فراخ مخليه _
التتبيله ( بصله كبيره مبشوره – عصير اتنين لمونه – عصير برتقانه- خل – ملح – فلفل – بابريكا – بهارات فراخ – قرفه بودر نص معلقه صغيره )
بصله مقطعه شرايح رفيعه – فلفل الوان مقطع شرايح رفيعه
مقادير الارز : 2 كوب أرز بسمتى – معلقه صغيره كارى – معلقه صغيره كركم – ملح وفلفل – 4 كوب ماء – بصله كبيره – زيت )
مقادير التوميه : كوب مايونيز – خمس فصوص توم – 4 معالق خل – نص لمونه – ملح – فلفل – زيت )
عيش محمص
الطريقه :- نقطع صدور الدجاج شرايح رفيعه ونضع عليها التتبيله وهى بصله كبيره مبشوره – عصير اتنين لمونه – عصير برتقانه- خل – ملح – فلفل – بابريكا – بهارات فراخ – قرفه بودر نص معلقه صغيره ونسيبها من بليل او على الاقل ساعه فى التتبيله دى
وبعدين نجيب طاسه كبيره نحطها على النار ونحط زيت ولما تسخن ننزل بالشاورما تاخد لون دهبى وبعدين نضيف لها بصله نكون مقطعنها شرايح رفيعه ولما البصله تدبل نحط فلفل الوان مقطع شرايح رفيعه ونسيبها تستوى والفلفل يدبل كمان ويتجانسو كلهم وبعد كدا نطفى لما تستوى
نيجى بقى نعمل الرز نجيب حله نحط فيها شويه زيت ونكون مقطعين بصله كبيره صغير ولما تدبل وتصفر ننزل بمعلقه صغيره كارى ومعلقه صغيره كركم وملح وفلفل واول ريحه التوابل ما تطلع كدا ننزل ب كوبايتين الرز البسمتى ونقلب ونحط اربع كبيات مايه لان الرز البسمتى الكبايه بتاخد اتنين مايه ونسويه عادى زى الرز )
نبتدى نعمل التوميه وهيا نقطع خمس فصوص توم على كوب مايونيز وعليهم اربع معالق خل ونص لمونه وملح وفلفل وزيت وبعدين نضربهم فى الخلاط كويس
ونحمص العيش بتاعنا فى زبده وزيت او سمن وزيت
نيجى بقى لترتيب الطبق نحط عيش محمص عليه شويه مش كتير اوى من صوص التوميه وبعدين الارز وبعدين الشاورما وبعدين شويه تانى على الوش من صوص التوميه وباقى التوميه توضع فى طبق وتقدم مع الاكل مواضيع هذا القسم برعاية
fayrouzah fayrouzah فتكات نشيطة Fatakat 1086902 alexandria – alexandria