السلام عليكم يا احلى امهات
مبروك عليكم المولود الجديد وحمد الله عالسلامه ده اولا
ثانيا بئا ايه اخباركم فى فتره النفاس …. السهر مع البيبي ,اكتئاب ما بعد الولاده , قلقك من ان وزنك مينزلش وجسمك شكله يتظبط سواد فى البطن وترهل ,المغص اللى فى الرحم ,الخياطه والمها لو والده طبيعى ولو قيصري التعب بتاع الفتح
من الاخر كده تعالو ندردش ونطمن بعض واللى عندها نصيحه تقولها عشان كلنا نستفيد وايه الخطط اللى فى دماغك بعض ماربنا يعدى النفاس على خير ناويه تلعبى رياضه ولا ايه .وتعالو ندعى لاخواتنا اللى لسه حوامل فى المدونة ربنا يكرمهم ويقوموا بالسلامه ويحضونو بيبيهاتهم زينا
بالمناسبه انا معرفتكوش بنفسي
انا والده من عشرين يوم تقريبا بنوته زى القمر وسميتها لين
الحمد لله ولدت طبيعى
عندى لوجين عندها 3 سنين
صحيح ايه اخبار الغيره للى عندهم اطفال غير البيبي
انا بنتى اتغيرت اوى بعد ماولدت كانت بتسمع كلامى وهاديه
دلوقتى اتغيرت تماماااااا
ياريتاللى اتعاملت قبل كده مع الموضوع ده تفيدنا بنصايحها
سبحانك اللهم وبحمدك اشهد ان لا اله الا انت استغفرك واتوب اليك
مستيه التفاعل والتقييم طبعا عشان الموضوع الكل يشوفو ونستفيد من بعض اكتر
DoDo Elmasria DoDo Elmasria 218776_2.gif فتكات متميزة Fatakat 218776 القاهره – مصر