كيفكم يا احلى فتوكات
اليوم رح علمكم طريقة فتة المكدوس
او فتة البيتنجان
المكونات
كيلو بيتنجان محفور
نص كيلو لحمة مفرومة ناعمة
كيلو لبن
خبز ابيض مقطع
بصل عدد 5 مقطعة جوانج
بص عدد 2 مفرومة ناعمة
زيت نباتي
5 فصوص توم مدقوق
3 معالق دبس بندورة
معلقتين طحينة
لوز للزينة
ملح
فلفل
قرفة
طريقة التحضير
منخلط اللبن والطحينة ورشة ملح والتوم مع بعض ومنحطهم بالبراد
منقلي اللحمة والبصلة المفرومة بزيت بناتي مع رشة ملح وفلفل وقرفة لحتى يستوي اللحمة منيحة ومنشيلهم ليبردو شوي
منقلي البيتنجان المحفور ومنصفيه منيح ومنحشيه باللحمة يلي قليتها
بعدين بصف البيتنجان يلي حشيتو بقدر وبضيف عليهم مي ودبس البندورة وبتركهم يغلو على النار لمدة ربع ساعة لحتى تستوي
بقلي الخبز والبصل الجوانح وبحمص اللوز
بعدين بحط الخبز المقلي والبصل بجاط
وبضيف عليهم مرقة البندورة يلي سلقت فيها البيتنجان
وبعدها بضيف اللبن يلي عملتو
وأخر شيء بصف البيتنجان عليها
واخر شيء رشة اللوز
ممكن تقللو كمية اللبن او تكتروها على حسب الرغبة
وبتتاكل سخنة والف صحة وهنا ويارب تعجبكم
مواضيع هذا القسم برعاية
*غاردينيا* *غاردينيا* 338664_28.gif فتكات رائعة Fatakat 338664 الشيخ زايد – مصر