مرحبــا يا أحلـى أخـوات أســعد اللــه أوقاتكــن بكـل خيــر
مش راح أطول عليكن عشان الموضوع طويل نبدأ بإسم الله تعالى
بس عايزة أقول إن طعم الفتات دي بجد بجد تحفة مابعدها تحفة في الطعم
بجد على قد بساطتها بس الطعم رهيب
1-فتة سكالوب كباب
المقادير : الصورة لكل المقادير مرة وحدة وبعدين طريقة كل منها
للكباب 8 شرحات لحم رقيقة أو حسب الرغبة في الكمية (لما بجيب لحم قطعة وحدة بشيل منها 4 حتت وكل حتة بفتحها 2 وأدقها) يعني مش أشتري الفيليه أو الفوفليه لأنه غالي أوي 200 جم لحم مفروم أو 4 قطع لحم بحجم البيضة أو تقريبا أنا طلعت من الديب فريز من تبع الطبخ وقطعتها صغير بصلة صغيرة مبشورة ملح وفلفل أسود وكزبرة باودر و7 بهارات وكبابة صيني التحضير : 1- تُرقق شرحات اللحم جيدا بمدقة اللحم وتتبل بالملح والفلفل الأسود من الوجهين وتترك جانبا 2- تحضر الكفتة بضرب اللحم المفروم أو القطع في الكبة مع البصل والتوابل حتى تنعم 3- نحضر السكالوب : تحشى بالكفتة كل شريحتي لحم مع الضغط عليها كي تمسك جيدا وتوضع في الفريزر لمدة ساعتين كي تتماسك الحشوة مع الشرائح ولكي يسهل التقطيع فيما بعد
4- تقطع قطع اللحم المحشية الى أصابع وتحمر في قليل من الزيت الساخن جدااااا حتى يتغير لونها وتقريبا ينشف ماؤها فيوضع قليل جدااااا من الماء ويغطى ويترك على نار هادئة 10 دقائق حيستوي كويس
للصلصة : بصلة شرائح ½ كجم طماطم مفرومة ناعم 2 فص ثوم مهروس مع قرن فلفل حار 4 ملعقة كاتشب 2 ملعقة هوت صوص ملح وفلفل أسود ومكعب مرق دجاج التحضير : يحمر البصل + خليط الفلفل والثوم ويقلب + الطماطم وتقلب وتغطى وتترك على نار هادئة 10 دقائق حتى تذوب + الفلفل ومكعب المرق وقليل من الماء وتغطى وتترك قليلا لتتسبك ويتجانس الطعم
للرز: 2و1/2 كوب رز (أنا إستعملت حبة طويلة) ½ كوب شعرية أنا غليت ماء وملح وسلقت فيه الرز لحد ما حسيت الحبة ¾ نضج فصفيت الرز ونزلته في حلة على النار فيها فتفوتة زيت ووزعت على الوجه زيت ساخن وغطيته وسبته 15 دقيقة قلبت خلالها مرة واحدة ثم حمرت الشعرية في قليل من الزيت وفلفلتها بشوية ماء مغلي وملح وضفتها للرز وقلبت وسبته 10 دقائق أخرى قلبت مرة خلالها للوجة مربعات خبز لبناني محمر صوص زبادي بالطحينة لعلبتين زبادي 4 ملاعق طحينة وعصير ليمونة وملح وكمون وشوية ماء وشرائح بصل محمر
على فكرة أول حاجة أعملها هي تحمير البصل في زيت غزير وأصفيه عشان أستعمل الزيت في الوصفة كلها
والآن كل شئ جاهز للتطبيق عملت طبق واحد بس عشان كل واحد من الأولاد بيحب حاجة ومش بيحب حاجة ثانية في طبق التقديم خبز محمر … رز … صلصة طماطم … سكالوب كباب … بصل محمر … صوص طحينة يوزع أما على الوجه بشكل خطوط … أو حول الطبق ورشة بقدونس ناعم ويقدم
2- فتة الشاورما العربي
مقادير وطريقة الشاورما العربي بالضبط في الرابط ده (وكل اللي جربها شكر فيها جدا)
ஓღ˚° الشــاورمة العـربــي بتتبيلتها الخاصـة والتكـة الضانـي بتتبيلتي الخاصــة °˚ღஓ°
عشان مش أكرر صور كثير وهنا بعص الصور / ده اللحم والتتبيلة
وهنا لما ذوبت الليلة
مواضيع هذا القسم برعاية
ام سودق ام سودق 184527_15.gif مشرفة الموقع Fatakat 184527 القاهرة – مصر