فاض عندي شوية بصل من بتاع الكشري ارميهم لا حرااااااااااااااام

بسم الله الرحمن الرحيم
النهاردة ما كنتش عارفة اعمل اكل ايه لكن كان فايض عندي شوية بصل محمر من بتاع الكشري قولت استغلهم في ايه فكرت و قولت اعمللهم طبق كشك و عملت جنبه شاورما فراخ و اهو نستخدم العيش كمان و نخلصه
اولا شاورما الفراخ ( المقادير )
نص كيلو فراخ بانيه مقطعة مكعبات – بصلة كبيرة مقطعة صغير – فلفل رومي و واحدة حامي برضه مقطعين مكعبات صغيرة – طماطماية مقطعة مكعبات
ملح و فلفل – خل


الطريقة
نشوح البصل علي النار بشوية زيت لحد ما يدبل و بعدين نحط الفلفل الاخضر يتشوح معاه دقيقتين و بعدين نحط الفراخ و نقلب شوية و بعدين الفلفل و رشة ملح و الخل و ده تحطيه زي ما تحبي كتير قليل زي ما تحبي انا باحط كتير و بعدين نحط الطماطم و نسيبهم يستووا سوا و نقلبهم كل شوية لحد ما يشربوا ميتهم



و كده خلصت و بالف هنا

نيجي للكشك (المقادير )
كشك صعيدي 3 وحدات – لبن نص كوب – شوربة نص كوب – رشة بسيطة دقيق – ملح و فلفل – ملعقة زبدة – و طبعا البصل اللي عملنا بسببه الكشك
الطريقة
ننقع الكشك في مية الاول لمدة نص ساعة

بعد كده نصفي من عليه المية و نضيف له الشوربة و نحطه يستوي و لما يستوي نضيف اللبن و الزبدة و الملح و الفلفل و غلوتين و بعدين رشة الدقيق عشان يغلظ قوامه زي البشاميل او اخف شوية و ممكن تحطي شوية من البصل و نطفي النار و نغرفه و باقي البصل علي الوش و الف هنا

و يا رب يعجبكم و دعواتكم لينا مواضيع هذا القسم برعاية

molo_s2016 molo_s2016 277585_1.gif فتكات رائعة Fatakat 277585 القاهرة – مصر

سبحان الله و بحمده