السلام عليكم و رحمة الله و بركاته
اهلا اهلا وحشتوني اوي يا بناااات
النهارده جايبالكو غدايا انا و جوزي و جايالكووو
**السجق**
اول حاجة نص كيلو سجق و نسلقة في ميا لمدة ربع ساعة و بس و نرمي الميا و ده شكله بعدما استوى
نقطع بقى السجق قطع صغيرة و نقطع بصلاية شرايح و فلفلتين الوان و طمطماية
نجيب الطاسة الغويطة و نحط فيها معلقة سمنة و معلقة زيت
و نحط البصلاية تدبل
و ننزل بالفلفل الالوان
و لما يدبلو مع بعض نحط السجق و نقلب
و نوطي النار و نروح نجهز معلقة صلصة و نص كوباية ميا و ملح و فلفل
و نحط الصلصة على السجق و نسيبة يتسبك على الهادي
و دلوقتي جه دور المكرونة
سلقت مكرونة
و جهزت الصلصة معلقتين زيت احمر فيهم بصلاية صغيرة و كام شريحة فلفل الوان
و ننزل عليها بعصير الطماطم و معلقة صلصة
و نسيبها تتسبك
في الوقت ده هيكون السجق خلص
يلا نشوفو
و دي صورة للسجق و المكرونة و شيبسي و قطعت خيار و فلفلاية رومي
و عملت كمان عصير رماااااااااان فريش
يا رب يكون الاكل عجبكو يا فتوكاتي
متنسوش التقيييييم و اللي مش هيقيم يدعيلي دعوة حلوة
الى اللقااااااااااااااااااااااااااااااء حبيباتي
مواضيع هذا القسم برعاية
fatma mido fatma mido 687631_3.gif فتكات متميزة Fatakat 687631 alexandria – egypt