مساء الخير
ازيكو يا حبايبي
وحشتوني
النهارده عملت سندوتشات تغير عشان الواحد زهق من الطبيخ
اول حاجه هنعمل عجينه الفينو الكيزر والعيش السوري
عباره عن كوبايتين دقيق
كوبايه مايه
معلقه بيكنج بودر
معلقع خميره
ملح
سكر
معلقه لبن بودره
معلقتين زيت
كله بيتعجن مع بعضه ونسبها تخمر
هنا قسمتها عشان الكيزر وهرصها في الصنيه وهرش عليها السمسم
هنا عجينه البرجر
وديه طرقتي
ربع كيلو لحمه مفرومه
معلقتين كبار بقسماط
بيضه
بصله مبشوره
معلقه كاتشب
معلقه توابل وملح وفلفل
ونعجنهم مع بعض ونسبها ترتاح شويه
وهنا هنفردها علي كيس ونقطع منها دواير بالقطاعه او بكوبايه وسعه او طبق الي عندك
هنا قطعناها وحطيناها في طبق فويل وبين كل وحده
كيس بلاستك
وهنا بعد ما حطيناها في الفريزر وفي الوقت ده هنحط الكيزر في الفرن
هنا اللحمه قطعناها حتت رفيعه عشان متخدش وقت في السوي
هنا تبلناها ب معلقه زبادي
ملح فلفل
بهارات شاورما
بصل مفروم وتوم مفروم
معلقه خل ونص ليمونه
وهنسبها في التلاجه عقبال منعمل العيش بتعها
هنا حطيناها في الطاسه وعليها بصل وفلفل وسبناها تستوي مع نفسها
ولما نحس انها استوت ننزل عليها بالطماطم والبقدونس
هنفرد العجين ونحطه في طاسه علي النار ولما يبدء لونه يتغير
نقلبه علي الوش التاني ونطلعه في كيس عشان مينشفش
هنا حمرنا البرجر في نقطه زيت وحطيناها في الكيزر وحطينا عليها خيار وطماطم
وهنا لفينا الشاورما في العيش
وعملت جمبهم مكرونه بالصلصه الحمره
انا كده خلصت الي تستفاد من وصفتي تدعيلي دعوه حلوه ان ربنا يكرمني وعمليتي تنجح
في امان الله
سلام يا حلوين
مواضيع هذا القسم برعاية
ام كيمو الامور ام كيمو الامور 466693_2.gif فتكات ست الكل Fatakat 466693 حلوان – مصر