ازيكو يا فتوكات طبعا تمام وده الى بتمناه
بصو بقى وركزو معايا يلا
انا كده بحب افكر شويا وادخل اعجن اى حاجه على اى حاجه فالمطبخ واقعد اكل
قمت امبارح اخويا كان عيز ياكل حاجه غريبه ومش عيز ينزل يجيب من بر البيت اكل فكرت كده اقوم اخترع زى مماتى الله يرحمها كانت بتعمل وقوم ايه لقيت عندى كوبيتين دقيق وكيس خميره وحميتين طماطم نشفه وحتت جبنه قديمه من بتاعت امى الله يرحمها خيرها لسه فالبيت الحمد له المهم مش هطول عليكو
جمعت الجات دى وقمت عملت رغيف عيش تحفه والله والله اخويا نسف كل الكميه الى عملتها ونزل جاب دقيق وحجات تانى علشان اعمله لتانى يوم يفطر بيهم قبل ميخرج لشغله واختى كانت هتتهبل من طعمته
نيجى بقى للطريق والصور بقى
المكونات
2كوب دقيق/ملعقه خميره فوريه /ماء دفاء للعجن{ملحوظه }الخميره توضع مع ملعقه سكر صغيره ومعلقه ماء دفاء حتى تخمر وتصبح جهزه للاستخدام اه ومتنسيش تحطى معلقه ملح كمان
الطريقه
يوضع الدقيق فى اناء ويوضع معه الملح ثم الخميره ويقلب جيدا ثم الماء وحدة وحده وتعجنى ولو لقيتى العجين محتاج ماء او دقيق زودى لحد مالعجين يلف فايدك ومش يبقى ناشف ولا بيلزق
زى كده
وبعد كده تعملى علامه فالعجين وتغطيه علشان يخمر
زى كده
وتسبيه حوالى نص ساعه فى مكان دفاء يخمر
هيكون شكله كده بعد ميخمر
شوفتى العجين ذاد ازى بعد الخمر
المهم بقى هتخدى جزء من العجين على حسب مانتى عيزه تعملى رغيف صغير ولا كبير وترشى رشت دقيق كده على التربيزه وتبدئ تفرديه عى قد متقدرى سمك كده حوالى نص سنتى
وتكونى مجهزه طاسه تيفال او المنيوم ومسخنها على النار كويس جدا او مجهزه الفرن وتحطى الرغيف بتاعك لحد ميشد شويا صغيرين مش هيستوى قوى خد بالله وتعملى كذا رغيف بنفس الطريقه وبعد متسويه نص سوى تطلعيه وتكونى مجهزه الجبنه القديمه مع الطماطم متقطعه عليها وحبت زيت صغيرين وتخدى زغيف من لى عملتيهم وتفردى عليهم الجبنه بالطماطم وتغطيهم برغيف تانى وتحطيهم فصنيه وتدخليهم الفرن يكملو سوى واول لما يستوى هتقدميهم هيكون
شكله كده
وده شكله من جوه
وبالف هنا وشفا على قلبكم يا فتوكات
خدى هنا يا فتوكه
متنسيش التقيم وجربى ودعيلى يلا واستنونى مع الخترعاتى الجديده ههههههههههههههههه
مواضيع هذا القسم برعاية
روح الام روح الام 865328_1.gif فتكات هايلة Fatakat 865328 cairo – egy