عندك صينيه تيفال تعالى وانا اقولك نشوى اللحمه والسمك على الزيت(زى الجريل بس بيتى والط

ازيكم يا فتوكات يا عسلات يا قمرات يا حلوات يا (كفايه كده احسن تتغروا )ههههههه
النهارده جيبالكم حاجه حلوه اوى ومش حتاخد وقت منكم وللتغيير برضه طول عمرنا بناكل السمك البلطى والبورى مقلى او مشوى ويوم ما نبقى انجزنا نعمله صينيه
النهارده حاجه جديده خالص وحتعجبكم وكويسه برضه علشان الريجيم
نبدا بالسمك بصى يا ستى انتى تجيبى السمك وتفتحى حته صغيره اوى فى البطن علشان تنضفيه من جوه وتغسليه كانك حتشويه ولا تقشريه ولا تقصيه بس وتحطى عليه شويه ملح وتسبيه ساعه وبعدين نيجى للمهم
هاتى صينيه تيفال وحطيها على النار وتكون ناشفه وتحطى معلقتين زيت للقلى بس متكتريش علشان ميبقاش طعمه مقلى واول ما الزيت يسخن حطى السمك بتاعك وسيبيه على كل ناحيه 3 دقايق واقلبى واعملى كده لحد مايستوى خالص وكل شويه زودى ملعه زيت واحده بس
والطعم بقى الحلو يجى منين بصى يا ستى هاتى الحله الحافظه للطعام اوى اى حله وبعدين حطى الخلطه دى فى القعر (كمون لمون شطه حمرا )وحطى السمك وغطيه تانى بالخلطه وزودى اللمون وبعدين سيبيه نص ساعه واقفلى عليه كويس وكليه بالهنا والشفا اللحمه المره الجايه اما تجربوا السمك علشان بطنكم ما توجعكمش علشان ما ينفعش سمك ولحمه فى يوم واحد ولا ايييييييييييه
ادعولى بالذريه الصالحه وصلوا على النبى مواضيع هذا القسم برعاية

العزيزه99 العزيزه99 122259_1.gif فتكات نشيطة Fatakat 122259 الاسكندريه – مصر

سبحان الله و بحمده