صباح الخير فتوكاتى العزيزات
عاملين ايه … اتمنى تكونو بخير
اولا احب اشكر عضوة هنا – الحقيقة مش فاكرة اسمها –
هى كانت عاملة موضوع اسمه القراقيش الفلاحى
وانا دخلت يوم الاربعاء وقريته .. وعجبتنى جدا
روحت يومها وعملتها .. بصراحة كنت شاكة ف نفسى هههههههههههههههههههههههههه لانى ف الحاجات دى مش أد كدا
بس سبحان الله …… استغربت جدا اما طلعت حلوة ومبقتش مصدقة ان انا اللى عملتها
المهم … ندخل على المقادير
انا عملت كل حاجة زى ماهى كانت كاتبة بالظبط بس بصراحة مخبيش عليكو
قللت الكمية عشان كنت خايفة تطلع وحشة وكنت هزعل اوى وانا برميها ههههههههههههههههههههههههه
انا عملت 4 كوب دقيق – معلقتين سمنة كبار – 1/2 كوب زيت – 2 معلقة سمسم – معلقة ينسون – خميرة – معلقة ملح صغيرة
الطريقة بقى .. عملت ايه
دوبت الخميرة الاول ف مية دافية مع معلقة السكروسبتها
قدحت السمنة والزيت سوا وحطيت عليهم السمسم والينسون
الدقيق حطيت عليه معلقة الملح وبعد كدا حطيتهم على الدقيق وقلبت واحدة واحدة
بعد شوية حطيت الخميرة وقلبت تانى وسبتهم نص ساعة
بعد كدا زودت ميه واحدة واحدة وعجنت طلعت العجينة فلللللللللة
قعدت بقى شكلتها وعملت اشكال .. ايشى نجوم وقلوب وايشى دبدوب
وحطيتها ف الفرن
وبعد ما استوت من تحت فتحت الشواية عليها شوية ع الهادى
طلعت بالشكل دا
طبعا انا مصدقتش ان دى عمايل ايديا هههههههههههههههههههههههه
ايه رايكو فيا بقى 
؟؟؟؟؟؟؟؟؟؟
نسيت اقولكو انى الشواية دى تكة من تكاتى .. وكمان حطيت معلقة قرفة صغيرة ع الدقيق قبل ما اعجن .. تكة كمان هههههههههههههههههههه
دا طبق جميل ولذيذ جدا لاول واحدة هتصقف لى ههههههههههههههههه
اشوفكو على خير وعايزة صقفة كبيرة اوىىىىىىىىىىىىىىىى
تحياتى
ذكريـــات مواضيع هذا القسم برعاية
ذكريـــات ذكريـــات 164146_32.gif ممنوعة من المشاركة Fatakat 164146 ف كل حتة ف مصر – مصر مصر مصر