ازيكو يا فتوكات … دى اول مشاركة ليا وسجلت مخصوص علشان عايزة افيدكو …..انا امبارح الحمد لله عملت اشعة الصبغة …..انا متزوجة من سنة وحملت مرة بس محصلش نصيب واجهضت فى التانى وبعدين جالى بعد الاجهاض تكيسات على المبايض واتعالجت منها الحمد لله وكان هرمون اللبن عندى عالى شوية وبرده الحمد لله اتعالجت منه وبعدين بدأت اخد منشط اسمه نولفادكس لمده شهرين من اليوم التالت ولمده خمس ايام 3 مرات فى اليوم بس للاسف محصلش حمل فالدكتور قالى كده لازم نعمل اشعة بالصبغة مع انه فى الاول مكنش راضى لانه قالى ان الاجهاض حصل بدرى ومش ممكن تكون الانابيب التصقت المهم توكلت على الله وعملتها امبارح بس انا لما دورت عليها على المدونة لقيت ان فى ناس كتير اشتكت منها وقالو انها بتوجع جدا لذلك انا قررت انى اخد بنج لانى مش بستحمل اى وجع خالص وفعلا عملتها امبارح وطلع عندى الانبوبة اليمين مسدودة بس الحمد لله الصبغة فكتها والشمال كان فيها التصاقات خفيفة جدا بس الحمد لله برده الصبغة فكت هذة الالتصاقات حتى ان الدكتور استغرب جدا بس الحمد لله على كل حال ….ووالله الذى انزل القرآن انى محستش بأى حاجة خالص لانى كنت متبنجة بس بعد ما فوقت حسيت كده بالم بسيط اقدر استحمله عامل فعلا زى الم البيريود وحسيت بدوخة خفيفة ومشيت بعد نص ساعة ونزل عليا برده شويه دم بس الكتور قال ده كده عادى وقالى لو حسيتى بالم جامد خدى مسكن كاتافلام بس انا الوجع كنت قادرة استحمله والنهارده الحمد لله انا كويس اللهم الا شوية تقل كده فى بطنى من تحت بس عادى والله …… انا قلت احكيلكو اللى حصل معايا علشان كلكو تستفادوا واللى عندها اى سؤال انا تحت امرها … بس بالله عليكو كل اللى تدخل وتقرأ موضوعى تدعيلى بالذرية الصالحة عاجلا غير اجلا وان ربنا يفرح امى بحملى لانى بجد نفسى احمل علشان افرحها… وان تحت امركو فى اى استفسار
برنسيسة قطقوطة برنسيسة قطقوطة 590636_1.gif فتكات حبوبة Fatakat 590636 القاهرة – مصر
سبحان الله و بحمده