ازيكوا يافتوكاتى أنا عملتلكوا الموضوع دا إنهاردة بخصوص " فطيرة السجق " فى أول تجربتى ودا اللينك بتاعها https://fatakat.univanet.com/#3125779
ودلوقتى أنا دخلت وعملتها تانى وبالصور بالتفصيل الممل وقولولى رأيكوا بسرررررررررررعه
دا كوباية دقيق ومعلقة زيت وذرة ملح
هنضيف كوباية ماء للعجن
ممكن تحتاجى رشة دقيق علشان تتماسك العجيبنه مع بعض
ودى العجينه بعد ما لمتها بالدقيق
وبتحطى على وشها رشة زيت بس علشان وشها ماينشفش
وتسيبيها ترتاح أقل حاجه ساعة
وفى الساعة قطعى المكونات براحتك عبرة عن سجق وطماطم وفلفل وبيضة عليها ملح وفلفل وشوية جبنه رومى مبشورين
بصراحه انا بحبها حاميه بس ملقتش فلفل حار قمت فكرت اعمل ايه لقيت صلصه فى الثلاجه ماما كانت عاملة كشرى امبارح رجت اخت منها معلقتين وضيفتلهم شطه حاميه ناااااااار
هتقسمى العجين كورة صغيرة وكورة كبيره وهتدهنى الرخامة زيت
هتفردى القطعه الصغيره لأقصى حد بالطريقه دى علشان كل ما تفرديها كل ماا هتطلع رقيقه معاكى زى الفطيرة
هتركى العجينه الصغيرة على جنب ونجيب العجينه الكبيرة نفردها بالطريقه دى
هتحطى العجينه الصغيره فوق الكبيرة بالشكل دا
هنحط المكونات فى النص بالطريقه دى وفى الاخر البيض للتماسك ورشى الجبنه عليها
هنقفل على العجين من اربع اطراف بالطريقه دى
هاتى صنية الفرن جنبك علشان تنقلى العجين بحرص شدييييييد لإنها مش متماسكه
دخليها الفرن مدة 1/3 ساعه على درجة حرارة متوسطه وتابعيها اول لما وشها لونه يحمر إقفلى عليها
ودى بعد لما إستوت
ودا وش وظهر الفطيرة
وبالف هنا وشفا على قلبكوا يارب مواضيع هذا القسم برعاية
lola ali lola ali 688100_9.gif فتكات متميزة Fatakat 688100 القاهره – مصر