السلام عليكو
الالتهاب السحائي من الامراض الخطيرة اللي بتجي للاطفال مشكلته بقى انه مالوش اعراض ثابته يعني ممكن يكون عبارة عن حرارة مرتفعة بس و فالاطفال الرضع ساعات بقى مش بيبقى فيه حرارة خالص و دي فحد ذاتها مشكله لان مش بيتشخص غير متأخر جدا فعشان كده حبيت اقول للامهات على شويه حاجات كده تعملها لما الطفل يكون عنده حرارة مرتفعة و ممكن تكون علامه من علامات الالتهاب السحائي (ملحوظة ده للاطفال فوق سنه بس )
1- لو حركتي رقبه الطفل لقدام بيحس بالم او تحسي انها متخشبه او لو قولتيله مثلا يبص على حاجة تحت مش بيقدر
2-نايميه على ضهره و رجليه الاتنين مفرودين و اتني رقبته لقدام زي فالصورة وبصي لو بيتني ركبه زي فالصورة كده
3- نايميه و خلي رجل مفروده واتني الرجل التانيه لغايه ماركبته توصل لبطنه و بعدين حاولي تفردي رجله المتنيه لو حسيتي انه مش قادر دي علامة
https://medicalimages.allrefer.com/la…meningitis.jpg
لو فيه واحده من ال3 دول موجودين اعرضيه بسرعة لاقرب طبيب اطفال وممكن يكون معاهم شويه ترجيع على صداع على زغلله و طبعا لو الطفل صغير مش هيقدر يقول انا باشتكي من كذا
بالنسبه للاطفال الرضع الحاجت دي مش بتبقى موجوده لكن لو الطفل مش قادر يرضع او حسيتي بتشجات او مش بيبطل عياط دي تعتبر علامات خطيرة
ويارب اكون افادتكم
DR-MANDY DR-MANDY images/avatars/moon.jpg فتكات نشيطة Fatakat 622697 ALEX – EGYPT