السلام عليكم يااحلي فتوكات ف الدنيا
انا فرحانه قوي وحاسه ان ربنا كريم اوي معايا
انا حبيت انقلكم قصتي في الانيميا ونقص الصفايح بكل امانه
انا لاقيت عندي انيميا شديدة اثناء حملي ف ولادي وكنت بعلق محاليل فروساك وبخد دوا حديد وبعد الولادة اهملت ف نفسي جدا لغايه اما بقيت احس بنهجان فظيع وضربات قلبي كانها زلزال ودوخه وصداع ودموعي تنزل من الوجع في قلبي
المهم عملت تحليل دم قبل رمضان اللي فات لاقيت الهيموجلبين بقا 8 والكل نصحوني كبري دماغك وعليكي بالعسل الاسود والتين المجفف والزبيب والاقرصيا وعملت كدا لاقيت نفسي تخنت ف رمضان 6 كيلو والهيموجلبين بقا 9 يعني تحسن بسيط ع كل الاكل اللي انا اكلته
المهم رحت بعد رمضان لدكتور تخصص امراض دم ونصيحه يابنات اللي بيعاني من نفس مشكلتي بلاش يروح لدكاترة باطنه لانهم بيهيفوا الموضوع ويقولك كلي كبدة وجرير واي عبط ع اساس اني قاعدة ف الصومال ومش باكل كل حاجه
المهم الدكتور قالي سبب الانيميا بسبب النزف اما من الدورة الشهريه واما من البواسير وانا الحيض بتجيلي شديدة جدا 9 ايام لدرجه اني بحس ان نا اتصفيت
وقالي اعمل تحليل اسمه اس فرتين وهو يعني نسبه الحديد المخزن في الجسم وقالي لو طلع اقل من 50 يبقي لازم اعلق محاليل فروساك وطلع التحليل 14 وعلقت فر وساك في الوريد كل يوم حقنتين وباخد دوا حديد كاتبهولي اسمه فرسانول ديودينال وهو احسن من ثيراجران ومش بيسبب امساك
المهم روحتلو بعد شهر لقيت الانيميا اتحسنت بقيت 12 بس لاقا الصفايح الدمويه نسبتها قليله يعني هي المفروض 150 الف لاقيتها 105 الف وقالي كرري التحليل بعد اسبوعين يمكن التحليل يكون فيه غلط وكررته لاقيت الصفايح 76 الف قالي لازم تيجي وكلامه خوفني دخلت ع النت ولاقيت ان تقص الصفايح ممكن يسبب نزف تحت الجلد وممكن يسبب نزف ف المخ وعلاجه بالكورتيزون عشان يحفذ النخاع العظمي انو ينتج كرات دم
قعدت اعيط وماما تعيط والايام بقيت سودااااااااااااااااااااااا وقررت اني مش هاروح للدكتور واني هاستعين بالله ف علاج نفسي وهاخد بالاسباب وهي
اولا الدعاء الكثير بان ربنا يشفيني ويشفي مرضي المسلمين
ثانيا قلت هاخد معلقه عسل بحبه البركه بنيه الشفاء بيقين ان العسل فيه شفاء للناس وحبه البركه شفاء من كل داء ودا اهم حاجه انك تاخديها بيقين جامد انك العسل هايشفيني كما قال لنا الله في كتابه الكريم
ثالثا ودا سر ان ماما تصدقت بمبلغ محترم بنيه شفائي عملا بقول الرسول داوو مرضاكم بالصدقه
رابعا بقيت اصوم اتنين وخميس لان الرسول قال صوموا تصحوا
وقعدت ع كدا شهر وعملت التحليل امبارح ولقيت النتيجه مبهرة بقيت انا بعيط من الفرحه انا وماما مش مصدقه ييييييييييييييييييييييييياااااااااااااااااااه يارب كم انت كريم يارب اللهم لله الحمد والمنه
لاقيت الصفايح بقيت 150 الف من غير كورتيزون ولقيت الهيموجلبين 14 بفضل الله وحدة بفضل الله وحدة
اللهم لك الحمد كما ينبغي لجلال وجهك وعظيم سلطانك والله يابنات من استعان بالله وتوكل عليه فلن يضيعه ابدااااااااااااااااااااااااااااااااااااااااااااااا ااااااااااااااااااااااااااا اللهم اشفي كل مرضي المسلمين يارب
اللهم كما فرحتنا في الدنيا بطاعتك فرحنا في الاخرة بجنتك
انا طولت عليكم بس حبيت الكل يستفيد من تجربتي في امان الله والسلام عليكم ورحمه الله وبركاته
حفيدة ام المومنين خديجة حفيدة ام المومنين خديجة 337469_3.gif فتكات رائعة Fatakat 337469 القاهرة – مصر
سبحان الله و بحمده