السلام عليكم يا فتوكات انا حبيت أفيدكم بتجربتي لأن في ناس كتير بتحتاس ف موضوع السخونية والحرارة العالية بالذات عموما انا بحب العلاج بالحاجات الطبيعية اللي خلقها ربنا
ماما واخويا حرارتهم وصلت لأربعين والحمد لله بقوا كويسين يارب يحفظهم ليا ويشفي مرضي المسلمين يارب
أولا وقبل اي شئ الاستعانة بالله والدعاء بالشفاء ( اللهم رب س اذهب البأس واشف انت الشافي لا شفاء الا شفاؤك شفاء لا يغادر سقما ) ( أسأل الله العظيم رب العرش العظيم ان يشفيك ) والاستمرار في الدعاء لحين الشفاء التام بإذن الله
ثانيا : لازم لي بيعالج المريض يكون هادئ وبلاش يوتر المريض لانة بيكون في حال ما يعلم بيه الا الله والرسول عليه أفضل الصلاة والسلام كان حينما يمريض يقول له لا بأس طهور بإذن الله وده مهم جدا انكم ترفعوا الروح المعنوية للمريض عشان مقاومته تزيد بفضل الله
ثالثا بئا لحاجات اللي انا بفضل الله عملتها بعد الدعاء طبعا مش هاينفع بئا نعمل كمادات ونحمي المريض في الجو دا وخصوصا ان المريض فضل يقول برداااان غطوني نعمل ايه بئا في حاجة حلوة اوي الرسول عليه الصلاة والسلام قالنها عليها وهي اننا لما نتوضأ نسيب الميه ومش ننشفها وده اللي هانعمله مع اللي حرارته عاليه نمسح علي وشه وأطرافه (أعضاء الوضوء ) وكل ماتنشف نمسح عليها تاني ونجيب كمان شاشة عريضه فيها شرايح ليمون ونحطها علي جبينه لانها بتسحب الحرارة وكل ما تسخن ننديها بالماء
رابعا بئا الأكل طبعا أكل خفيف شوربة وكده وحاجات سهلة الهضم وشرب الليمون ( ماعدا الناس اللي عندهم قرحة مثلا ) وأكل الخيار والزبادي و المشروبات الطبيعية زي الينسون والكركديه ( مع مراعاة الناس اللي عن ضغط ) والعسل الابيض مع الليمون
دي الحاجات اللي عملتها بالضبط علي حد علمي لأن في حاجات وأكل تايخفض الحرارة برضه
يارب أكون أفدتكم
يارب يحفظكم وذريتكم ويشفي مرضي المسلمين
salma youyou salma youyou فتكات نشيطة Fatakat 1208114 cairo – egypt
سبحان الله و بحمده