السلام عليكم ورحمه الله وحشتوني يا احلي فتوكات في الدنيا انهارده كنت هعمل علي العشا مكرونه وبانيه الاكله التقليديه وبعدين قولت لسه هتبل واقلي واسبك فقلت اختصر المهم بقي كنت سلقه مكرونه
وبعدين لاقيت عندي كوسه وبسله و فلفل الوان وده ربع كيلو بانيه مقطع غسلتهم كويس
الاول جبت طاسه وحطيت فيها زيت ذره وقطعت عليهم بصلايه
وبعد ما البصل اصفر حطيت الفلفل
وبعدين حطيت البانيه
وبعدين حطيت البسله والجزر وقلبتهم شويه
بعدين حطيت كوبايه ميه صغيره وعليها فلفل اسمر بهارات فراخ قرفه وطبعا جوزه الطيب وزنجبيل
وبعد ما قرب يستوي وكان فيه شويه ميه حطيت الكوسه وظبط الملح
وبعد ما تنشف ميته نتاكد انه استوي
وبعد كده هنجيب صينيه ندهنها شويه زيت ونحط فيها المكرونه وعليها الفراخ اللي عملناها
وبعد كده اجيب بيضه واحط عليها ملح وفلفل وكوبايه لبن كبيره واقلبهم كويس
وبعد كده حطيتهم علي المكرونه وقلبت كويس ورشيت رشه فلفل وجوزه الطيب
ودخلتها تحت الشوايه وكل شويه اقلبها لحد ما احسها نشفت سيبتها تعمل وش
ود شكلها من الجنب
وبصراحه طلع طعمها وحش قوي والاطباق رجعت زي ماهي
هههههههههه ان شاء الله هتعجبكو اوي وكمان تنفع للرجيم بجد خطيره مواضيع هذا القسم برعاية
رودي الشريف رودي الشريف 372331_22.gif فتكات رائعة Fatakat 372331 القاهره – مصر