حباااااااااايبي الفتوكات القمراااااااااااااااات
عملت عزومة هههههههه اه و الله العظيم
اصل انا لسه مبتدئة و جديده خالص على موضوع الاكل ده
يلاااا المهم بقى اني اتفزلكت اوي و مخلتش مامتي تساعدني
و قلتلها لا ممكن ابدا انك تساعديني
بس خليتها تغسل المواعييييين ههههههههههههه
عمركوا ما هتتغيروا ابداا هتفضلوا رغاييين كده
يلا نبدا باسم الله
المنيو كان ::
1-فراخ كنتاكي <بانيه و دبابيس>
2-مكرونة اسباجتي بالصلصة
3-فاهيتا
4-بيتزا
5-سلطة كلوسلو
6-بطاطس محمرة و شيبسي
و الحلو :: كب كيك على طريقة ست الكل الواثقة بالله بصراحة جدعة موووت اول ما سالتها على الطريقة فورا جاوبتني ربنا يباركلهااا حبيبتي حبيبتي 5 حبيبتي
كله يجهز نفسه
هاااا ايه رايكوووو انفع ولا اييييه؟؟؟
المقاديييرر:::
اولا: الفراخ
انا عملت كيلو بانية و تقريبا 11 دبوس
التتبيله:
بصله مبشورة – طماطمايه مبشورة – ملح – فلفل – شطة – بابريكا – بهارات فراخ – 1 زبادي – نص كوب لبن -2 م زيت -رشة خل – مستردا
و ادي صورتهم مع بعض
تمام كده ؟
نقلب التتبيله و نحط عليهم الدبابيس و قطع البانية انا مقطعاها شرايح
و ده شكلها ف التتبيله هى و الدبابيس
بس كده نقفل علبتنا و ندخلها التلاجة من بليل و كمان يا حلوين انا اعدت اغز ف الدبابيس كاني بحارب ههههههه عشان تتبل كويس
كده خلصنا الفراخ ندخل على سلطة الكلوسلو::
المقاديير :
1-كرنبايه 2-3 جزرات صغيرين
الصوص بتاعها عبارة عن :
3 معلقة مايونيز و نص كوب سكر و معلقة خل و نص كوب لبن
نقطع الكرمبايه شرايح رفيعة و نبشر الجزرة و نعمل الصوص و نحطة عليها و نقلبه و نغطيه و نحطة ف التلاجة قبلها بيوم هنلاقيه منزل صوص واااااو زي الكريمة تحفة هتعجبكو اوي
و ده شكلها بعد م خلصتها
ندخل بقى على البيتزا
المقادييير ::
3كوب دقيق – نص كوب لبن دافي – معلقتين لبن بودرة – نص كوب زيت زيتون – معلقة كبية خميرة -2 معلقة كبيرة سكر -رشة ملح -زعتر – معلقة كبيرة بكنج بودر – ماء للعجن و شكراااااا
نشوف الصورة الجماعية للمقادير
وبعدين نحط زيت الزيتون
و نفرول الدقيق و ننزل عليه باللبن بعد م يخمر و طبعا الجو تلج و بيخمر ف ساعتين بس انا بقى دفيت الفرن و دخلت الكوباية مفتش ربع ساعة و كان كله تمام و فارت و بقت زي الفل
و نعجن بالميا
لحد م تبقى كورة و نقسمها 2 و نحطها ف الفرن الدافي تخمر وتتضاعف هتاخد ساعة ان شاء الله
و ده شكلها بعد م خمرت
كله هيسالني ايه الخرم ده هههههههههههههههه
هقولكو ده صباعي بحب اوي ملمس العجينة اللي خمرت غريبة صح هههههههههههههههههههه
نرجع لوضوعنا
نبتدي ندهن صانيتين بزيت زيتون خفيف كده
و نرش الرخامة حبت دقيق و نفرد العجين بالنشابة و بعدين نحطها علي الصانية و ياريت تفرديها اكبر من الصانية حاجة بسيطة كده
و نشكشكها بالشوكة
و ندخل بقى على مقادير الحشو:
صلصة البيتزا -فلفل الوان -طماطم <لحمها بس بدون ميا > -زيتون شرايح -سوسيس و سجق اسكندراني
طريقة عمل الصلصة :3 طماطم + بصلة في الخلاط +3 فصوص توم و بعدين نحط ملح و فلفل و زعتر و نسيبها تتسبك
صورة جماعية للمكونات
مواضيع هذا القسم برعاية
fatma mido fatma mido 687631_3.gif فتكات متميزة Fatakat 687631 alexandria – egypt