ازيكوا يا احلى فتوكات
يارب تكونوا كويسين
ندخل فى الجد
طريقه الفراخ دى سهله جدا ومش بتحتاج حاجة
كلها موجوده عندك فى البيت
المقادير
فرخه متقطعه 8 قطع ومغسوله كويس بميه فيها باللمون والخل والملح
بصلتيين وسط
ثوم10 فصوص كميه محترمة يعنى
ملح روز ميرى كركم كارى حبهان قرنفل جنزبيل ورقة لورى زعتر قرفة وبهارات
اى بهار تحبيه حطيه
فلفل اسود بصل بودر وتوم بودر
لمونه كبيره معصوره
و2 معلقه خل
وممكن تعصرى برتقاله
وبعدين ناخد كل ده على الخلاط
ماعدا الفرخة طبعا
نضربه لحد لما يبان له صحاب
لو عصلج شويه حطيله شويه ميه صغيرة
وتدوقى التتبيله عادبه ولا حلوة
على فكرة هى لو ملحه شويه مش مشكله علشان تملح الفراخ كويس
وياسلام لو سبتى الفراخه فى الميه ام ملح وخل ولمون دى قيمه 3 ساعات اللحم بتاع الفرخة
هيتملح وهيكون جميل فى الحالة دى متخليش التتبيلة مملحه جامد
عملنا التتبيلة خلاص ننقع فيها الفراخ الوقت اللى تفضليه وطبعا يستحسن وقت طويل
نيجى بقى على السوى
هنشغل الفرن بتاع البوتاجاز
ونحط فى الارضيه بتاعته فحم
ونخلى الشبكة فى النص ولما الفحم يحمر نرص الفراخ على الشبكة
هتكون طريه شويه
مش ممشكله
لما هتسخن هتجمد وتمسك نفسها
وتقلبيها كل 10 دقايق
بس باب الفرن يكون متوارب
يعنى لاهو اللى مفتوح ولا اللى مقفول
لانها يطلع دخان كتير
وتهديلها النار شوية
على فكرة لما عملتها الجيران اتلمت على فكروا الشقة فيها حريقه من كتر الدخان اللى بيخرج من الشباك
وقلبيها لحد لما تستوى ولما تلقيها احمرت
معاكىقلبي فيها كتير
علشان متتحرقش
وهتطلع احلى من برة
تحفة وبالف هنا وشفا
مواضيع هذا القسم برعاية
ام توتو العسولة ام توتو العسولة 956217_1.gif ممنوعة من المشاركة Fatakat 956217 دسوق – مصر