السلام عليكم ورحمة الله وبركاته
ازيكم يافتوكات
النهارده انا عازماكو على حفلة شواء هنشوى مع بعض فراااخ ولا اجدعها مطعم
اول مره اعمل موضوع فـ القسم ده ياارب يعجبكو
أولا هنجيب فراخ صغيره العدد اللى انتو عايزينه ونقطعها لوراك وصدور كده يعنى وننقعها ف ماء ولمون وملح عشان نغسلها
بعد كده هنقطعها بالسكينه بالطول كده .. عشان لما نحطها ف التتبيله تدخل التتبيله جواها وتتخللها ..
وكماااان التكه بقه اننا نكسر العضم.. يعنى نكسر عضمة الورك نصين وهكذا .. عشان لما نشوي ميكونش فيه دم جوا الورك والنار تدخله لجوه خاالص..
بعد كده نجهز التتبيله بتاعتنا ..
دى مقادير التتبيله بتاعتى .. والحمدلله بتطلع حلوه اووى وكل اللى يدوقها تعجبه يارب تجربوها وتعجبكو انتو كمان
دى مقدار واحد يعنى على حسب العدد تضاعفوه بقه
بصل
طماطمايه
ملح وفلفل
بهارات فراخ
ورق لورو
جنزبيل
عصير لمونه
معلقه كبيره عسل اسود
نص كوب ماء
شويه كمون
نضرب كله كله فى الخلاط وبعدين نتبل بيه الفراخ..
طبعا واحنا بنتبل الفراخ مننساش ندخل التتبيله جواها وجوه الفتحات اللى احنا عملناها ..
ونغطيها ونسبها على الاقل يوم .. كل اما تتساب اكتر كل ماشربت التتبيله اكتر وبقت احلى واحلى..
وييجى يوووم الشواء بقه
ازاااى نولع الفحم ..
عندك طريقتين
بصى ياستى هتجيبي فحم كتيييير وتحطى عليه شويه جاز .. لو مش موجود مش مهم.. وتولعى كبريت او ورقه وتولعى بيه الفحم وكل شويه تعملى كده وتهوى جامد ع الفحم عشان يفضل مشتعل كده ..
يإما عندك طريقه تانيه .. تولعى كذا فاحمايه كبيره ع البوتجاز وبعدين تحطيهم ع الشوايه وتحطى حواليهم وعليهم الفحم اللى لسه مولعش وتقعدى تهوى كده عشان تفضل مشتعله ..وبعدين هتلاقى كله ولّع ..
كده ولعنا الفحم ..
هنجيب شبكه ونرص عليها الفراخ ..
الشبكه بتاعتنا بتقفل على الفرخه من فوق ومن تحت بحيث نلف احنا الشبكه براحتنا مش نلف الفرخه..
فيه حاجات بقه وتكات لازم تاخدو بالكو منها
أولا .. لازم لازم ميكونش الفحم بيطلع نار ..عايزينه يكون مولع بس .. لان لو بيطلع نار النار هتحمر الفرخه من بره واحنا لسه اللى جوه مستواش
فأول ماتلاقيها بتطلع ناار كده ترشى ميه بسييط عليها عشان تهدى وتبعدى الشوايه شويه عن النار لغايه ماتهدى
ثانيا .. لازم تطولى باالك خالص وعيشى حياتك عشان الفراخ تتشوى حلو وتاخد ريحة الفحم الوااااو .. طول مالدهون بتنزل ع الفحم هتطلع بقه الدخانه اللى احنا بنشمها دى وبتجرى ريقنا ع الاكل المشوى الجمييييل
وتفضلى طبعا من حين لاخر تهوى عشان الفحم يفضل مولع..
شايفين الدخاااان
وآآآدى الفراخ بعد برهه من الشووى .. لونها وريحتها يهبلوووو
وأخييرررااا لما تلاقيها احمرت واستوت نطلعها.. وبالهنا والشفااا
كده خلصنا الباربكيو بتاعنا
ياارب يعجبكو ولو عجبكو متبخلوش عليا بدعوه او تقييم تحتيكو على طول اهو
واستنونى فى موضوع جديد بس قسم العنايه بالبشره بقه
سلامو عليكو
مواضيع هذا القسم برعاية
أجنحة الفراشة أجنحة الفراشة 848595_1.gif فتكات متميزة Fatakat 848595 الشرقيه – مصر ام الدنيا
