السلام عليكم ورحمة الله وبركاته
فتوكاتى الحلوين حبيت اوريكم طقم اطباقى الجديد ومعاه اكلة سريعة وعزومة بسيطة ومعاها طقم اطباق اشتريته جديد ودى صورته على السفرة
ودى صورة تشويقية للاكل وطقم الاطباق مع بعض
كفاية كلام وننحضر الاكل عشان الوقت ضيق
الاول حددت انواع الاكل
محشى ورق عنب
ارز بسمتى
جلاش بالحمة المفرومة
دجاج بالزيتون
دجاج محشى
دجاج بانيه
سلطة
تانى حاجة غسلت الدجاج كويس وتبلته بانى ضربت فى الخلاط ليمون بقشره طماطم وبصل وفلفل اخضر وتوابل (بابريكا بصل وتوم بودر وفلفل اسود وكمون وملح )
وتبلت انواع الدجاج كلها مرة واحدة وبعد ساعة حطيتها فى مصفة تصفى الميه الزايدة
وجهزت خلطة المحشى وهى عبارة عن جزء من خلطة التتبيل بالاضافة لبقدونس وشبت مفرومين وصلصة جاهزة وزيت ذرة ووضعتهم على الارز المغسول بقت عندى خلطة صحية وسريعة
وبعد كده عملت ارز بسمتى بأ،ى خدت جزء من التتبيلة ال كنت مجهزاها مع الشوربة وغلتهم على النار مع كارى وكركم وورق لورا ولما غليت الشوربة وضعت الارز البسمتى بحيث ان الشوربة تبقى زيادة بمقدار 3 سم مثلا ولما استوى اخدت جزء منه وضيفت له كبد وقوانص الفراخ بعد ما سلقتهم وقطعتهم صغير وحمرتهم ولما برد الارز البسمتى حشيت الفراخ ولفيت كل فرخة بورق فويل وغليت ماء فى حلة كبيرة معاه لورا وتوابل وملح وضيفت الفراخ وسبتها براحتها تتسلق طبعا مش ها تفك او تخرج ارز عشان الفويل
كنت متبلة البانيه زى ما قلت لكم ضيفت له بيض وابريكا وبودرة توم وبصل وملح وفلفل وكمون وحطيت فى البقسماط وبعدين مرة كمان البيض وبعدين البقسماط والخطوة دى بتخلى القطعة متماسكة وكبيرة ومنفوشة وحطيتها على طول فى التلاجى لتتماسك
والوقت ال بتتسلق فيه الفراخ حطيت البانيه فى زيت مقدوح سخن ووطيت عليه وفى الوقت ال البانيه بيتحمر حشيت ورق العنب
هو مش متعب لانى بعمل كمية قليلة افضل ما يفيض ويترمى وطبعا بواقى الارز بحشيها فى فلفل وطماطم
بقيت اطلع البانيه واكمل حشو على مخلص البانيه خلصت المحشى وحطيته يستوى وكانت الفراخ استوت استنيت تبرد ودهنتها بصلصة وتوابل وليمون وزيت وحطيتها تحت الشوايه وكل ما يتحمر وجه اقلب
فاضل الفراخ بالزيتون اخدتها من التتبيلة وحطيتها فى صينية وعلى الوجه كوب من الخلطة ال ضربتها فى الخلاط التتبيلة يعنى
ولما استوت حطيت على وجهها صلصة وتوابل وليمون وزيت وزيتو اخضر مخلى
وحطيتها تحت الشوايه
حضرت السلطة و حطيت الاكل فى الاطباق واخر خطوة …………………………. صورت لكم العزومة طبعا خطوة مهمة اوى
بعدها ال عزمينهم كلوا بالهنا والشفا وانا الان ارقد طريحة الفرااااااااااااااااااااااش عايزة عامرة
كانت اسرع عزومة عملتها
واسيبكم مع الصور
مواضيع هذا القسم برعاية
جنة الرحمن * جنة الرحمن * 815477_2.gif فتكات هايلة Fatakat 815477 رحمة الله – مصر